2362/2026-2027

Dated Aizawl, the 25th September 2026: Vawiin khan Inter-Departmental Coordination Committee (IDCC) on Civil Registration System of Births & Deaths meeting vawi 25-na, SAD Conference Hall, MINECO-ah neih a ni a, Chief Registrar of Births & Deaths leh Planning Commissioner & Secretary ni bawk Pu Vanlaldina Fanai-in meeting hi kaihruaiin, Civil Registration System kaihhnawih Head of Department hrang hrangte leh district tina DRO te an tel a, district hrang hranga Deputy Commissioner-te pawh online kaltlangin an tel bawk.

Meeting-ah hian IDCC Member Secretary leh Director of Economics & Statistics ni bawk Dr Lalrinchhana’n thupui sawi hawnna neiin, Joint Director of Economics & Statistics Pi Mary Lalrinchhungi hnen atangin meeting hmasa lama IDCC thurelte bawhzui a nih dan report ngaihthlak a ni a; piang leh thi ziah luh chungchanga thil pawimawh chi hrang hrangte sawi ho niin, Local Authority-te (VC/LC), YMA/YLA leh Kohhran hruaitute hnena piang leh thi ziah luh tlai chungchanga inzirtirna (sensitization) pek chungchang te, Registration buaipuitu Institution-te hnena Honorarium pek chungchangte, piang leh thi ziah luh tlai chungchang ngaihtuahtu bik Designated Executive Magistrate-te tana ni khat awh inzirtirna leh training (One Day Sensitization-cum-Training) buatsaih tur chungchangte leh Mizoramin data dik leh rintlak kan neih theih nana thawh hona tha zawk a awm theih dan tur kawng hrang hrangte rel a ni.

IDCC hi Civil Registration System of Births & Deaths chungchanga State Level Committee sang ber a ni.