2513/2026-2027

Champhai, dated the 5th October,2026: Public Works Department (PWD), Champhai Division EE Er. VL Zirchhuanawmi, Champhai North SDO Pu Lallianmawia , Champhai North Division JE Pi C. Lalchhadami te chuan Champhai khawpui leh a chhehvel kawng cheithat leh hmasawnna hnathawk mek te a hmunah kalin an enfiah a, mipui ke a kal leh lirthei khalhten awlsam zawk leh him zawka kawng an hman theih nan hma an lak chhunzawm zel thu an sawi a ni.

PWD Champhai Division hotute tarlan danin Champhai khaw chhung, New Champhai, Zotlang leh Tlangsam inkar kawng chhia leh khuar te chu chak taka hnawh phui mek a ni a. October ni 7 leh ni 8 chhung hian Zotlang leh Tlangsam inkar kawng chu black top chhuah tur a ni.

Lirthei tlan vel leh ke a kal mipuite him zawk  nan kawngsir tluanin Road Delineator (zan leh thim hnuaia kawng entirtu reflector) te siam niin chhun leh zan lama chetsualna thleng thin te nasa takin a tihhniam an beisei a ni.

PWD Champhai Division hotute chuan  kawng cheithat hna chak zawka kalpui a nih theih nan mipuite leh lirthei neituten thahnemngai taka thawhpui turin an ngen a. Department chuan khawpui chhunga kawng tha leh nghet taka siam tura hma an lak chhunzawm zel tur thu leh mipui tana harsatna a awm loh nan enfiah zel a nih tur thu an tarlang bawk