2512/2026-2027

Dated Serchhip, the 5^th October: Vawiin khan khawvel puma Upate Ni, October Ni 1-a lawm thin pualin, District Legal Services Authority (DLSA), Serchhip chuan Beiseina In, Old Aged Home, New Serchhip-a awm mekte tan Free Health Check-Up an buatsaih.

Beiseina In-ah hian mi 8 an awm mek a, Mizoram hmun hrang hrang bakah Mizoram pawn atang pawhin he Home-ah hian  awm an awm a. An zinga upa ber chu kum 91 mi niin, Cachar lam mi a ni a;  vawiin khan Dr. Lalruatsanga leh a thawhpui, Mercy Hospital ten he Home-a awm mekte leh thawktute hriselna dinhmun an endik sak a ni.

Pi Josangzeli Tlau, Secretary, DLSA chuan Home-a awm mekte hnenah, an dikna chanvo leh an tana hamthatna awm theite hrilhin, tanpui an ngaih hun apiangah Legal Services Authority te chu tanpui tura an inpeih reng thu a sawi.

Upate Ni pual tho hian Upa Pawl, Serchhip Kawnpui North te nen kum upate tana Dan leh Hrai hriat ngaite leh an hamthatna awm theite inhrilh hriatna hun Legal Awareness Programme neih a ni bawk a, Upa Pawl member mi 103 te nen hun hlu leh hlawkthlak tak hman a ni.