No.1344/2021-2022   

Dated Khawzawl, the 11th July, 2021: Tunhnaiah Khawzawl District chhunga khua/veng thenkhatah Covid-19 positive hmuhchhuah belh zel a ni a. Khua/veng dinhmunte hi zirchian a nih hnuah Covid-19 hrileng darh zel tur venna atan inkhuahkhirhna khauh zawk kalpui a ngai tih hmuh a nih avangin Pu Zothanmawia, Deputy Commissioner & Chairman, District Disaster Management Authority, Khawzawl District chuan Regulation 11(1) of The Mizoram Epidemic Diseases (COVID-19) Regulations, 2020 tlawhchhanin, 'PWD Complex, Khawzawl Vengthar' chu vawiin July ni 11, 2021 (Pathianni) atanga thu leh awm hma Containment Zone-ah a puang a, Containment Zone Incident Commander turte a ruat nghal bawk.

Containment Zone-ah hian a hnuaia tarlan inkhuahkhirhnate hi zawm ngei ngei tur a ni:
1. Tumahin mahni in/ compound an chhuahsan tur a ni lova, lirthei hmanga veivah pawh khap a ni. Loh theih loha pawn chhuah leh veivah ngaite chuan VLTF phalna an la hmasa tur a ni.
2. Containment Zone-a luh leh chhuah khap tlat a ni. Loh theih loha luh leh chhuah ngaite chuan Village Level Task Force (VLTF) hriatpuinain la hmasain Deputy Commissioner hnenah phalna dil tur a ni. Hei hian Zonal Officer, Medical duty, Security duty, VLTF te leh Essential service hna thawktute chu a huam lo ang.
3. Hemi hunchhung hian Containment Zone-a zirna in leh office-te chu khar tur a ni.
4. Containment Zone chhunga miten ei leh in chungchanga harsatna an tawh loh nan VLTF ten uluk taka an dinhmun thlir chungin eichawp dawr leh bazar hawn chungchangah ruahmanna an siam ang.
5. VLTF te leh Containment Zone-a khawsa, harsatna leh mamawh neite chuan bialtu Zonal Officer/Incident Commander tarlante hnenah an thlen ang.

Incident Commander-te:
1) Pu James Lalnithanga, SDO Sadar. Contact No-9862447706
2) Pu Malsawmdawngliana, Asst. District Registrar of Births & Deaths & Research Officer. Contact No-9362596202