PWD Engineer-in-Chief thawklai leh a thawhpui pakhat bakah E-in-C hlui te tunhnaia man an nih avanga an hna atanga chawlhtir leh chawlhtirloh chungchangah thuthang hrang hrang a awm mek avangin thil awmdan dik tak chu a hnuai a mi ang hi a ni.

Sorkar hnathawk reng reng thubuai neia man an nih a darkar 48 chhung Police kuta an awm chuan an hna atanga chawlhtir (suspend) tur an ni a. Engineer-in-Chief thawklai leh a thawhpui Accountant te hi Police kutah darkar 48 an awm hmanloh avangin an hna atanga chawlhtir leh chawlhtirloh chungchang chu sorkar ngaihtuah tur a ni. Hemi chungchanga Mizoram Chief Secretary in tualchhung chanchinbu pakhat hnena a sawi hi hriatsual palh leh dawnsual palh vanga ngaihdan hrang piang thei a nih a rinawm a. Chief Secretary chuan sorkar dan leh hrai awmsa ang hi a sawi mai zawk a ni.