Chief Minister Pu Lal Thanhawla kaihhruaina hnuaiah vawiin khan Council of Ministers in Chief Secretary Conference Room, New Secretariat Complex, Khatla-ah meeting vawiin khan tlai dar 7 dawn thleng an nei.

Cabinet Meeting ah hian thurel tur 13 chhawpchhuah a ni a,siamthat ngai laitesiamthaturinleh, a then la zir belh tura dahin a tlangpuiin pawm an ni. Pawm takte zingah hian sorkar hna a ngheta thawkte, Council of Ministers leh Parliamentary Secretaries ten thlatin hlawh an lakna leh mimal hnena pek thin, sorkar department bill a stamp duty pek thin chu Rs.1/-  ni tawh tura remtih a ni a. District Deputy Commissioner ten district chhunga head of office zawng zawngte Performance Appraisal Reports (PARs) a Reporting Officer ni tura rawtna pawh pawm a ni a, amaherawhchu technical department-a Superintendent Engineer te chu a huam lovang. Performance Monitoring & Evaluation System (PMES) Results Framework Documents (RFD) hnuaia deparment zawng zawng tana hman ve rawtna chu pawm a ni bawk a. College hrang hrangte tiama Education Department zirchiangtu-in rawtna a siam chu pawm a ni bawk a. The Mizoram Industrial Policy,2012, Draft Mizoram Judicial Service (second amendment) Rules, 2011 te Economics & Statistics Department hnuaiah District Office-Mamit, Kolasib, Champhai, Serchhip leh Lawngtlai-ah te hawn rawtna te chu pawm an ni bawk a.

Draft Mizoram Co-operative Societies Rules,2012 chusiamthat ngai laite leh thu delhkilhte siama pawm a ni bawk a. Public Sector Enterprise Restructuring in compliance to Asian Development Bank (ADB) Loan conditions tih chu a kaihhnawih thenkhat Finance Department-in lo zirchiang leh phawt se tiin remtih a ni.

Hengte bakah hian Thenzawl-a Donbosco Society in School leh a kaihhnawih din nana ram an dil chu pawm a ni a. Kelsih a Amusement Park siamna tura ram (land lease) mimal, David Lalmuanpuia, Khatla in a dilna pawh pawm a ni a. Mobile Service provider RAILTEL ((Railtel Corporation of India Ltd) leh BBNL ( Bharat Broadband Network Ltd ) hnena a thlawna Right of Way (ROW) pek tura rawtna pawh pawm a ni a. Hei hian e-governeance din tur zulzuia optic fibre cable phumna tur a ni. Pre leh Post Matric Scholarship Technical, Medical leh Professional line a zirlaite hnena pek rawtna pawh pawm a ni.