1351/2026-2027

Dated Aizawl, the 9th July, 2026 : Public Works Department (PWD) chuan Assistant Engineer(AE), Sub-Divisional Officers (SDO), leh Junior Engineer (JE) lak tharte tana ni thum awh Induction Training chu PWD Engineer-in-Chief Office Conference Hall-ah a kharna hun hman a ni.

He training programme-ah hian mi 24 te an tel a, department chhunga technical leh administration lam thilte zirtir an ni.

A kharna programme-ah hian PWD Engineer-in-Chief Er. David Sapzova chuan thu a sawi a, engineer tharte chu mipui rawngbawl an ni tih hre renga rinawm leh dik taka hna thawk turin a fuih a, PWD Chief Engineer (Roads) Er. C. Lalthlamuani pawhin thu a sawi a ni.

He training programme hian engineer tharte thiam thil tuai hriam a, an thiamna te mipui tana an hman tangkai theih nan puih a tum a ni.