1350/2026-2027

Aizawl, 9^th July 2026: Vawiin chawhma khan Mc Cable Hall, Aijal Club, Aizawl ah Information & Communication Technology (ICT) Department buatsaihin nikhat awh ‘State-Level Workshop on Strengthening Cyber Security Frameworks for State Data’ neih a ni a. He hunah hian ICT Minister Dr. Vanlalthlana chuan Khuallian niin workshop hi an hmanpui a ni. Workshop ah hian Mizoram Sawrkar hnuaia department hrang hrang aiawh official thahnem tak an tel.

ICT Minister Dr. Vanlalthlana chuan ICT department in workshop pawimawh tak ‘State-Level Workshop on Strengthening Cyber Security Frameworks for State Data’ a buatsaih thei chu lawmawm a ti a,  mipuite himna tura an privacy vawinhim sak, an hamthatna tur ngaihtuah leh rinngam nih hi sawrkar tihtur pawimawh tak zinga pakhat a ni,  a ti. Tunah hian sawrkar chuan mipuite digital data tamtak kawlin, a kutah a awm mek a; mimal identity kaihhnawih te, land record emaw welfare benefits te pawh sawrkar hian a vawn mek thu a sawi a. Digitization hi sawrkar hmanraw tangkai tak a nih rualin fimkhur ngaihna tam tak a awm thu sawiin, mipui ten digital governance-ah rinna an nghah theih nan an data-te him taka enkawl sak a ngaih thu a sawi a. Data enkawl kawngah digital entry point te khauh taka vawn him a, sensitive data zawng zawng mi dangin an hmuh theih lohna tura khuahkhirh (encrypt) vek a nih theihna tura tunlai thiamna kan hman a ngaih thu sawiin, automated monitoring system-te pawh hman tangkai a, minute reilote chhung pawha security system-a thil pawi awmte hmachhawn vat thin a tul thu a sawi bawk.

ICT Minister hian workshop hi hun lo la kal zel tur atan Mizoram digital security atana hmalakna pawimawh tak  a nih thu sawiin, senior officer leh technical team te chu cybersecurity hi phurrit anga ngai lova, rorelna tha, langtlang taka kalpui theihna lungphum anga en turin a ngen a ni.

ICT Secretary Dr. YLN Reddy, IAS, pawhin thu sawiin he workshop hi ngaih pawimawh a tul thu leh routine meeting ang a ngai lo tur leh tangkai taka hun hmang turin kalkhawmte a ngen a. ICT Secretary hian, digital-a inthlakthlengna hunah kan awm mek a, tun hma zawng aiin mipui leh sawrkar chu digital system avangin a inzawm that thu a sawi a. Kal khawm ten he hun hi tangkai taka hmang turin a sawm a ni.

ICT  Chief Informatics Officer Pu James Lalnunmawia chuan workshop chhimtute lawmna thu sawiin, kum reilote kalta atang khan Mizoram-in digital transformation-ah nasa takin hma a sawn, a ti a. Paper-based file atanga e-office system hman mek a ni a, technology lama hmasawnna avangin mipui service pawimawh tam tak mipuite hnenah rang takin a thlen mek thu a sawi a ni. He workshop pawimawh thu leh Ministry of Electronics & Information Technology (MeitY) leh National e-Governance Division (NeGD), Govt. of India, hnuaia ram pum huap hmalakna pakhat a nih thu tarlangin, he hun ah hian thupui then paruk (6) zirho a nih dawn thu te,  an sawihona hi ram pum huapa cybersecurity framework thuamchakna tura national consultation ah hman tangkai a nih tur thu a sawi a ni.

He workshop-a tel te hian thupui pawimawh tak tak paruk an zirho a. An thupui hrang hrang zirho te chu: 

1. Risk-based Assessments & Security Monitoring:

(Institutionalising Risk Management & Continuous Monitoring Across State IT Assets).

2. SDC & Govt Network Security: 

(Securing State Data Centres and Statewide Area Networks)

3. SOC & State CSIRT:

(Incident Detection, Response & Recovery under the CERT-In Technical Umbrella)

4. Legacy Modernisation, Secure-by-Design & Zero-Trust:

(Hardening Legacy Applications and Adopting Secure-by-Design & Zero-Trust Principles)

5. Data Classification, DPDP Act & NISPG:

(Data Governance, Secure Sharing, Privacy Frameworks & Regulatory Compliance)

6. CISOs, Capacity Building, Skilling & Awareness:

(Governance Leadership, Human Capital & Citizen Cyber Awareness) 

Group 6-ah inthenin, sawi hona hun tha tak hman a ni a, chung sawihona te chu MeitY, Govt. of India hnenah thehluh leh a ni dawn a.State hrang hrang atanga feedback an hmuh atang hian Central sawrkarin Cyber Security Framework changtlung tak la siam tur a ni dawn a ni. 

He workshop hi Pu James Lalnunmawia, Chief Informatics Officer, ICT Department chuan kalkhawmte hneah lawmthu sawiin hun a khar a ni.