awiin khan Chief Engineer (Highways), PWD Pu John Rammawi, Superintending Engineer (Highways) PWD Pu B. Lalawmpuia leh Kolasib PWD Division EE Pu Sanghrima Chongthu te chuan Bairabi panna kawngpui chhe zual bik leh Bairabi khaw chhung inkalpawhna Internal Roads siamthatna tur a hmun kalin an en a, heng hmunah mawhphurna nei SDO te hmalakna te enpuiin chak zawka hmalak dan te an sawipui a ni.

PWD hotute leh YMA General Conference 2015 Organizing Committee-a hruaitu thenkhat te hi Bairabi PWD IB ah inkawmna hun tawite an nei nghal a, PWD hmalak mekte leh an hmachhawp te an hrilh a. PWD CE(Highways) chuan YMA General Conference hlawhtling taka neih anih theih nan PWD chuan theihtawp an chhuah thu a hrilh a, amaherawhchu ruahsur avangin duh anga chakin kawng cheihthat leh siamthat hna an kalpui thei lo a, khaw chhe karah pawh hma an la reng a, Conference hma hian an tih theih chin chu chak taka tih an tum thu a sawi. Bairabi khaw chhung Internal Roads siamthatna tur alkatra(bitumen) chu Kolasib ah a awm vek tawh a, hei hi karleh chhung hian Bairabi ah phurh thlak tura ruahman a nih thu a sawi bawk.