2594/2023-2024

2nd November,2023 – Pu James Lalrinchhana, Deputy Commissioner chuan a hnuaia order Dated 29.10.2023 a tichhuak a ni.

Kan hma lawka Mizoram Legislative Assembly General Election, 2023 lo awm turah hian kum (18) tling tawh rualbanlo (Persons with Disabilities) te, taksa lama chavak lo (Infirm voters) tan te leh kum lama upa (Senior Citizen) kum 80 ten Inthlan Ni a harsatna an tawh loh nan leh tluang taka vote an thlak theih nan a hnuaia mi ang hian ruahmanna siam a ni.

· An chenna atanga an vote thlakna tur Polling Station-a an kal lam leh haw lam lirtheia hruai zel an ni ang.

· Anmahni hruai nan hian an vote thlakna hmuna duty Polling Party-te lirthei (Official Vehicle) hman tur a ni ang.

· Lirtheiah hian BLO emaw MPF aiawh emaw te chauhin an tawiawm zel tur a ni.

· Political Party mi leh sa tumahin an hruai ve tur a ni lo. An hruai tih hriat a nih chuan an chungah dan anga hmalak a ni ang.

· Taksa lama chakvak lo emaw mahnia kal harsat emaw te tan Vote thlak Ni hian hruaitu/tawiawmtu neih phalsak an ni. Anmahni tawiawmtu te chu India khua leh tui dik tak, kum tling tawh an ni ngei tur a ni.

Inthlanna hlawhtling leh thianghlim tak kan neih theih nan te, khua leh tui tha kan nihzia lantir nan VOTE THLAK ngai pawimawh turin mitin kan inchah nawn e. Harsatna emaw hriatfiah duh emaw nei tan District Election Office, Tall Free No. 1950 ah englai pawha biak theih reng kan ni e.