3172/2023-2024

Aizawl, the 23rd December 2023:  PWD Minister Pu Vanlalhlana chuan tukin zingkar khan leimin vanga hun rei tak Vaivakawn Zohnuai kawng tlang tawh lo chu a hmunah a tlawh a.  Kumtharah a rang thei ang bera Lirthei ke li nei te zawh theih tura lei dawh emaw kawng tlema laih zauh hmanga kawng ping  sial tlang dan tur PWD Engineer te a sawipui nghal.

Pu Lalnghinglova Hmar, MoS for S&YS, LESDE, etc., leh bialtu MLA ni bawk chuan PWD Minister hi a hmunah a lo dawngsawng a. Helai veng mipui ten kawng a chhiat avanga bungraw lakluh an harsatna te, lirthei lian chi a luh theih loh avanga rikrum thilah leh damlohna avanga hmanhmawh taka Damdawiin pan a tul changa an buaina an tawh dan te a sawi a.

Kumin Fur laia kawng a chhiat hnuah two wheeler bak a tlang thei lo, kawngpui siamthat hna thawh a nih hmain temporary arrangement anga lirtei ke 4 nei a tlang theih dan tur ruahmanpui an ngai tih a sawi.

Pu Lalrinkima, E-in-C, PWD in hmalak theih dan leh helai leimin chungchanga information pawimawh deuh te a sawi a. PWD ten helai kawng(temporary )siam  dan tura ruahmanna an neih te pawh Pu H.Zoramliana, CE(Highways), PWD in a pharh a; PWD Minister leh Bialtu MLA leh khawtlang hruaitute a hrilhfiah bawk a ni.