No.2210/2020-2020

Siaha, June ni 18: Nimin lama an hmalakna chhunzawmin vawiin hian District Child Protection Unit(DCPU), Siaha chuan Siaha khawpui chhunga Quarantine Facilities (QF) hrang hrang 9 (Pakua) :
1. SIRD, Meisavaih
2. Meisavaih Primary School
3. Ebenezer kohhran Hall
4. ITI, Meisatla
5. Maraland Theological College
6. ECM HSS
7. Gov't. Middle School, Council Vaih
8. CMO Quarter
9. Don Bosco School

a awm mek te leh thawktute tan Ei tur chi hrang hrang, Handwash leh Sanitizer te an sem. Heng bakah hian Child Protection leh a kaihhnawih Booklet leh Leaflet chi hrang hrang duty te leh khunghran mekte chhiar turin engemawzat an sem nghal bawk. Heti hian DCPU, Siaha chuan Siaha khawpui chhunga QF 24 an tlawh chhuak a ni.

DCPU Siaha hian New Normal Etiquette to Combat COVID-19 chungchang tihtur (Do's) leh tihlohtur (Don't's) Poster pawh Quarantine Facilities hrang hrangah hian an tar a, Quarantine Center hrang hranga naupang kum 18 hnuailam an awm leh awm loh ngaihvenin, Quarantine Center-a awm naupangte chu a tul dan ang zela buaipui an nih tur thu Child Protection hotute ten an sawi bawk.