State Investment Program Management and Implementation Unit (SIPMIU – Aizawl), chuan hmun hrang hranga hna an thawhnaah mipui tan harsatna a thleng thin chu theih ang tawk a tikiam turin vawiin khan department hrang hrang telna Quality Assurance Monitoring and Coordination Committee chu a vawi li (4) nan Secretariat Conference Hall, New Secretariat Complex-ah an thukhawm.

Meeting-ah hian kumtir lam thutkhawm a thu lo rel tawh bawhzui a nih dan te thlirho niin, SIPMIU hna hmabak hrang hrang chhawp chhuah a ni a; Water Supply pipeline phum hna hmabakte, Sewerage Network la zawhloh kalpui dan tur te sawiho niin, vantlang kawng zulzui a hnathawh a ngaih thin avangin Department hrang hrangte tan ho zel dan tur sawi a ni. Heng bakah hian SIPMIU hnathawh chhunzawm mek, Water Harvesting Tank sak te, Sanitary Landfill leh Waste Resource Management Center – Tuirial a sak mek te, Sewerage Treatment Plant – Chite a sak hna chhunzawm leh Community Bio-Digester sak tan dan chipchiar takin Program Director, SIPMIU chuan sawiin, hna thawh chin leh hmabak la awm te a tarlang a ni.

Quality Assurance Monitoring and Coordination Committee-ah hian SIPMIU bakah department hrang hrang – Traffic, Aizawl Municipal Corporation, PWD, P&E, PHE leh BSNL te an tel a ni.