No.1862/2021-2022

Aizawl the 15th August, 2021 : Health and Family Welfare Department thuchhuah “Revised Standard Operating Procedure (SOP) for Covid-19 test at Mizoram Entry Points” No. D.33011/39/2021- HFW(SOP)/Pt.4/H dt 10.08.2021 behchhanin Aizawl DC chuan a hnuai a mi ang hian Aizawl District-a inkhunghran (quarantine) chungchang kalpui dan tur ruahmanna a siam.

1. State pawn atanga lo lutte chu an lo luhna (entry point) ah RAgT (Rapid Antigen Test) in en dik tur an ni. RAgT positive te chu enkawl dan tur ding lai angin enkawl zui tur an ni a. Screening a negative, Covid-19 symptoms neite chu RT-PCR/TrueNat in a rang thei ang bera test nawn vat tur an ni.

2. State pawn atanga lo lut Covid-19 negative test result nei, sawrkar thuchhuahin quarantine exemption a pek ni lote chu empanelled hotel-ah emaw, LLTF/VLTF in ruahmanna a siamna hmun Community Quarantine Facility (CQF)-ah emaw, mahni inah (Home Quarantine) emaw-in khunghran (quarantine) tur an ni.