Industries department leh Mizoram Quarry Operators Association tangrual ten an buatsaih, awmze neia Quarry enkawl dan zirhona, “Workshop on Scientific Management of Quarry Operation” chu vawiin khan Industries Conference Hall ah neih a ni a. Ni 2 awh tur he workshop hawnna hun hi Parliamentary Secretary Pu H.Zothangliana’n a hmanpui a ni.
Thu sawiin Pu Zothangliana chuan Quarry-a eizawngtuten sorkar nen tangruala quarry enkawl dan zirhona workshop an buatsaih chuan rah tha a chhuah ngei a beisei tih a sawi a. Mizoram leilung fate tan ram leilung hausakna humhalh sakna Dan chu pawimawh a tih rualin Pu Zothangliana chuan ram hmasawnna hna pawimawh, kawngpui siam ah te ramdang mite huphurh hleih theih an nih loh dan a sawi a. Midang tel lova thil kan tih duh chuan midang tel lova thawh theih kan zir a ngai” a ti. Mizoram Minor Minerals Concession Rules 2000 tun thlenga hman theih lova la awm chu tun sorkar thar ah chak zawka bawhzui leh tihfel thuai a nih a beisei thu pawh a sawi bawk.
Workshop hawnna hun hi MQOA President Dr.Zohmangaiha’n a kaihruai a. Thuhma sawiin MQOA indin dan chanchin tlangpui leh an Pawl-in MMMC Rules 2000 a fello an tihlai te, siamtha tura sorkar nena an lo indawr tawh dante Pu Zohmangaiha chuan a tarlang a. Resource Persons atangin Pu R.C.Thanga Chief Conservator of Forest leh Er. Lalhriatrenga Chhangte, Mining Engineer, Indian Bureau of Mines, N.E Region Officer-in-Charge, Guwahati te pawhin thusawina hun an hmang bawk a ni.
He workshop ah hian leilung hausakna haichhuah lama mithiam, Er.Lalhriatrenga Chhangte, IBM Guwahati leh Dr.C.Sawmliana Scientist E1, (Doctorate in Blasting) Central Institute of Mining & Fuel Research(CIMFR), Dhanbad te chuan tlangrama lung lak dan te, lung hal dan leh explosives hman dan te, Indian Mining Laws & Indian Explosive Rules chungchang te an zirtir dawn a. Anni bakah hian Pu Lalthazuala, Geologist Jr.Gde, Geology & Mining Wing, Pu C.Vanlalruata, Development Officer, KVI Board leh Pu R.C.Thanga CCF ten lung tha leh tha lo hriat dan te, Quarry loan pek theih dan te, Quarry leh Forest Dan inkungkaihna chungchangah te zirtirna an pe bawk ang a. Naktuk ah hian lung hal dan a taka zirhona Dr.Sawmliana kaihhruaiin Pu .Kapzela Quarry, Sairang road ah an nei dawn a ni.
Vawiina workshop hawnna inkhawm hi Pi Esther Lal Ruatkimi, Industries Secretary chuan lawmthu sawiin a khar a. Chawhnu ah zirhona hi neia hun hman chhunzawm a ni.
Workshop hawnna hun hi MQOA President Dr.Zohmangaiha’n a kaihruai a. Thuhma sawiin MQOA indin dan chanchin tlangpui leh an Pawl-in MMMC Rules 2000 a fello an tihlai te, siamtha tura sorkar nena an lo indawr tawh dante Pu Zohmangaiha chuan a tarlang a. Resource Persons atangin Pu R.C.Thanga Chief Conservator of Forest leh Er. Lalhriatrenga Chhangte, Mining Engineer, Indian Bureau of Mines, N.E Region Officer-in-Charge, Guwahati te pawhin thusawina hun an hmang bawk a ni.
He workshop ah hian leilung hausakna haichhuah lama mithiam, Er.Lalhriatrenga Chhangte, IBM Guwahati leh Dr.C.Sawmliana Scientist E1, (Doctorate in Blasting) Central Institute of Mining & Fuel Research(CIMFR), Dhanbad te chuan tlangrama lung lak dan te, lung hal dan leh explosives hman dan te, Indian Mining Laws & Indian Explosive Rules chungchang te an zirtir dawn a. Anni bakah hian Pu Lalthazuala, Geologist Jr.Gde, Geology & Mining Wing, Pu C.Vanlalruata, Development Officer, KVI Board leh Pu R.C.Thanga CCF ten lung tha leh tha lo hriat dan te, Quarry loan pek theih dan te, Quarry leh Forest Dan inkungkaihna chungchangah te zirtirna an pe bawk ang a. Naktuk ah hian lung hal dan a taka zirhona Dr.Sawmliana kaihhruaiin Pu .Kapzela Quarry, Sairang road ah an nei dawn a ni.
Vawiina workshop hawnna inkhawm hi Pi Esther Lal Ruatkimi, Industries Secretary chuan lawmthu sawiin a khar a. Chawhnu ah zirhona hi neia hun hman chhunzawm a ni.
