Mizoramah tui harsatnain namenlova nasat lam a pan zel avangin tui ngaihtuahtu PHE Department chuan Zoram Research Foundation (ZORF) nen tangkawpin vawiin khan tui harsatna sutkian dan tur sawihona Think Tank Discussion Forum vawi 5-na chu PHED Conference Hall-ah an nei a. He Forum hi Pu Denghnuna, IAS (Rtd), Convener, Ministry of DoNER & C-NES ‘Water Supply Evaluation Team (for Mizoram)’ in a kaihruai a, Er. Valbuanga, Project Director, SIPMUI, Asian Development Bank Project leh Er. H.Duhkima, EE, Aizawl Water Distribution Division, PHED te chuan Tui chungchang zirtirna an pe a ni.
He 5th Discussion Forum thupui ‘TUI:NUNNA ATAN PATHIAN THILTHLAWN PEK’ tih chu mithiam sawmbik kalkhawm ten kawng hrang hrangin an sawihova, mipuite mamawh em em tui thianghlim intur (drinking water management) chungchang chu sawihlawh ber zing ami a ni. Greater Aizawl Water Supply Scheme Phase I & II chungchanga hmalakna leh harsatnate sutkianna tura rawtna leh kalphung tha zawkte sawiho a ni bawk. Mipuite chawmna tur tuilakna atana project, scheme leh programme tam zawkin duhthu a sam loh dante, a nih dan tur tak a phawhchhuah zawh loh thin dante sawihovin monitoring leh implementation-ah kawnghmang nei zawka kalpui dan tur rawtna engemawzat siamte chu PHED Policy kalphung tha zawk siamna atana sengluh tum a ni.
PHED hotute ruahmanna angin vawiina sawihona bawhzui turin Core Group/ Expert Group pawh siam a ni ang a. He sawihona rahchhuah/rawtna te chu UNESCO, New Delhi leh Gender & Water Alliance, Netherlands ten ZORF hnena an lo dil lawk tawh angin an hnenah thehluh a ni bawk ang.
He Forum-ah hian PHED Executive Engineer chin chunglam zawng zawngte bakah District hrang hranga PHED Superintending Engineer-te, MLA ni mekte leh lo ni tawhte, Minister hluite, University leh College zirtirtute, chanchinbumite, sorkar hnathawk mek leh pension tawhte an tel tha hle a ni.
PHED hotute ruahmanna angin vawiina sawihona bawhzui turin Core Group/ Expert Group pawh siam a ni ang a. He sawihona rahchhuah/rawtna te chu UNESCO, New Delhi leh Gender & Water Alliance, Netherlands ten ZORF hnena an lo dil lawk tawh angin an hnenah thehluh a ni bawk ang.
He Forum-ah hian PHED Executive Engineer chin chunglam zawng zawngte bakah District hrang hranga PHED Superintending Engineer-te, MLA ni mekte leh lo ni tawhte, Minister hluite, University leh College zirtirtute, chanchinbumite, sorkar hnathawk mek leh pension tawhte an tel tha hle a ni.
