19th Commonwealth Games Meichher Queen's Baton Relay Aizawl-ah luhpui dan tur chungchang inbuatsaihna kal mekah vawiin khan Sports Director leh Mizoram Olympic Association, Secretary General Pu Zoliana Royte hovin hemi atana mawhphurtu hrang hrangte I & PR Auditorium-ah an inhmukhawm. Tarlan tawh angin he Meichher hian July ni 29 hian Lengpui Airport  lo thlengin, Bawngkawn to Vanapa Hall via Sikulpuikawn tlanpui a ni dawn a. Meichher keng tura ruat te chu Sports Minister hlui te, infiammi tunlai leh rual u zawk te, YMA, MHIP, MUP, Sports Association hruaitute bakah ah Sports Department mi leh sa te a ni dawn a. Kalkhawnte chu he hun hman chungchang hriattur pawimawh hrang hrangte hril hriat an ni.