3484/2023-2024

Aizawl, 24th January 2024: Vawiin tlai khan Durbar Hall, Raj Bhavan-ah  Ek Bharat Shreshtha Bharat hmalakna hnuaiah Governor Dr Hari Babu Kambhampati chuan State pali - Manipur, Meghalaya, Tripura, Uttar Pradesh leh Union Territory of Dadra and Nagar Haveli and Daman& Diu and Diu te Foundation Day lawmna hun a buatsaih.

He hunah hian  Governor chuan Manipur, Meghalaya, Tripura, Uttar Pradesh leh Union Territory of Dadra and Nagar Haveli and Daman and Diu-te Foundation Day pualin heng state leh UT mipui te chibai a buk hmasa a. Hmarchhak state 3 leh state upa tak pakhat leh UT pakhat ten an state leh UT din champha phak an hmang rual chu lawmawm a tih thu sawiin inpumkhatna tha zawk a lo awm zel theih nan hetianga hun hman ho te hi a pawimawh em em a. Vawiin tlaia program pawimawh tak kan hman chhan chu India ramah hian mi chi hrang hrang chengkhawm mah ila kan inlungrual a nih tih kan lan tirna a ni a. He inlungrualna hi kan chakna thuruk a nih tih kan in hriat thar tir leh na a ni a ti. Governor chuan Foundation day lawmna program-ah hian India in kum 2027 a ral hmaa, ram hausa leh ramchang a nih tum chungchang te leh he hmachhawp atana mitin te mawhphurhna a sawi nawn leh bawk a ni.

Princely state Manipur leh Tripura te chu kum 1949 khan India hnuaiah an lut a, chumi hnuah kum 1956 khan Union Territory atan hlankai ve ve an ni  a, tuna Meghalaya pawh hi India ramin zalenna a hmuh  lai khan Assam ram chhungah a la awm a, kum 1969 khan state a lo ni ta a ni. 21st January 1972 khan North Eastern Region (Re-organisation) Act, 1971 hnuaiah khan Manipur, Meghalaya  leh Tripura chu state puitlingah hlankai an ni bawk a ni.

Uttar Pradesh hi British India hnuaia United Province tia kan hriat kha a ni a, a hmaa province anga awm Agra leh Oudh te pawh UP ah hian rin luh   a ni a. 24th January 1950 khan United Provinces chu Uttar Pradesh tia thlak a ni.

Union Territory of Dadra and Nagar Haveli and Daman and Diu hi 26th January 2020 khan ram hran pahnih, Portuguese ram thuneihna hnuaia  awm thinte iinsuihfin hnuah a lo piang bawk a ni.

State pali leh Union Territory of India pakhat din champha phak lawmna programme hi heng state leh UT video clip-te pholan aṭangin ṭan a ni. Meghalaya Governor Shri Phagu Chaudan-a video message a neih bakah  heng State leh UT aiawhte atangin thu tawi te an sawi ngaihthlak a ni a. Hnam lam chi hrang hrang pholan a ni bawk.