3483/2023-2024

Aizawl 24th January, 2024 : Shri. M. Venkatesan, Chairman, National Commission for Sufai Karamcharis hovin vawiin tlai dar 3 khan "The Prohibition of Employment as Manual Scavenger and their Rehabilitation Act, 2013" chungchangah AMC Auditorium-ah Meeting neih a ni.

Shri. Venkatesan chuan India Prime Minister Pu Narendra Modi thurawn angin North East-ah Safai Karamcharis te an harsatna hriat tuma inhmukhawm an nih thu a sawi a. Safai Karamcharis mi 146 lai an tel thei chu lawmawm a tih thu sawiin an harsatna te hriat tuma Aizawl a lo kal a nih ang ngeiin an harsatna te sawi hreh lova hrilh hre turin a ngen a. Safai Karamcharis te chu an nikhat hlawh daily minimum wages nen a inmil leh inmil loh leh Employment Provident Fund (EPF) an neih leh neih loh bakah Life/Health Insurance Coverage pek an nih a tul thu sawiin anmahni zingah hmeichhe hamthatna bik ngaihtuah tur Committee siam turin a chah bawk a. An harsatna te chu Mizoram CM leh Governor a hmuh huna a thlen chhawn theih nan a hnenah ziaka thlen turin a hrilh bawk a ni.

He hunah hian UD&PA Department atangin presentation ngaihthlak a nih bakah an harsatna te Chairman hnenah hian lo thlenin, sawi khawmna leh zawhna leh chhanna hun hman a ni bawk.

Session hnihna-ah NCSK Chairman Pu M. Venkatesan hian Medical, Zirna In hrang hrang Principal te, Bank aiawh bakah faina lam enkawltu Department Officials te inkawmhona a neihpui bawk.

National Urban Health Mission (NUHM) leh National Health Mission, Mizoram bultumin nimin leh vawiin khan Sanitation Worker te Screening & Health Check up neih a ni a. Nimin leh vawiina inentir te hi mi 280 vel niin damdawi tlangpui a thlawn a pek an ni bawk a ni.