2568/2023-2024

Aizawl, 31st October 2023: Governor Dr Hari Babu Kambhampati chuan vawiin khan Durbar Hall, Raj Bhavan-ah Jammu & Kashmir leh Ladakh Foundation Day 2023 lawmna programme a buatsaih a.  He hun hi Ek Bharat Shreshtha Bharat hnuaia program kalpui mek a ni.

Jammu & Kashmir leh Ladakh te hi Jammu & Kashmir Reorganization Act pass a nih hnuah 31st October 2019 khan Union Territory of India dinhmun pek an ni.

He hunah hian Governor Dr Hari Babu Kambhampati chuan thu tawi a sawi a, India-in a ngaih pawimawh ber ram inpumkhatna tihchakna atan state dang leh union territory dang te khawsak leh  an hnam ziarang te hriat chian a pawimawh tih a sawi.  Ek Bharat Shreshtha Bharat hmalakna  chu tha a tih thu sawiin a hlawhtlinna kan hmu mek zela, kan  rama chengte inpumkhatna atan rah tha a chhuah mek tih a sawi bawk.

Nula Tsewang Dolma-i hnen  atangin Ladakh UT chungchang tlangpui ngaihthlak hmasak a ni a. He mi hnu hian hian Ladakh leh Mizoram aṭangin Cultural troupe-te'n zaiin kalkhawmte an awih bakah  hnam lam chi hrang hrang te an entir a ni.