2591/2023-2024

Aizawl, 1st November 2023: Raj Bhavan Mizoram chuan vawiin tlai khan Circular Lawn, Raj Bhavan-ah India ram State 8 leh Union Territory 5-te Foundation Day lawmna programme a buatsaih a. He hunah hian  Governor Dr Hari Babu Kambhampati  Khuallian a ni a. Air Chief Marshal Vivek Ram Chaudhari, PVSM, AVSM, VM, ADC, Chief of the Air Staff of Indian Air Force chu khualzahawm a ni thung.

Kumtin, November ni 1 ni  hi state 8 - Andhra Pradesh, Chhattisgarh, Haryana, Karnataka, Kerala, Madhya Pradesh, Punjab leh Tamil Nadu State te tan  Foundation Day a ni a; Union Territory 5 - Andaman & Nicobar Islands, Chandigarh, Delhi, Lakshadweep leh Puducherry te tan pawh Foundation day a ni bawk. State Foundation day pual program hi Ek Bharat Shreshtha Bharat hmalakna hnuaiah state tinah lawm a ni mek a ni.

Governor Dr Hari Babu Kambhampati chuan vawiina stat leh UT e din champha phak hmangtu - State pariat leh Union Territory panga mipui te duhsakna  chibai a buk  hmasa a. Chhattisgarh leh Puducherry tih loh heng heng State 8 leh UT 5 te  zinga mite chu State Reorganization Act of 1956-a act kaltlanga  tawng(linguistic)  hmanga din a lo  nih dan chanchin tawi a sawi a ni. Ek Bharat Shreshtha Bharat programme hnuaiah  students & cultural exchange hmangin state hrang hranga cheng te an intlawhpawh mek chu lawmawm a tih thu a sawi a . "He hmalakna hian hnam hrang hrangte inkarah inpawhna tha zawk leh inthianthatna a thlen mek a nii," a ti bawk.

Full Speech of Governor:  https://dipr.mizoram.gov.in/post/dr-hari-babu-kambhampati-honble-governor-of-mizoram-on-the-occasion-of-celebration-of-foundation-days-of-8-states-and-5-union-territories-at-raj-bhavan-mizoram-on-1st-november-2023

Air Chief Marshal Vivek Ram Chaudhari chuan kan hnam chakna chu chi hrang hrang leh nunphung bakah hnam ziarang inanglo tak tak te zaikhata luanho leh  inpumkhatna a nih thu uar takin a sawi a. India ram ram a lo ropui zual zel na atan leh kan inpumkhatna a lo ngheh zual zel nan ram mipuitena hruaitute an  thlanna ram a ni tih kan lan tir zel a pawi mawh bawkah sakhaw hrang hrangte kan inzah tawn zel hi a pawimawh a ni a ti.

He hunah hian Chief Secretary Dr Renu Sharma, Pu Anil Shukla, DGP, mi pawimawh dangte leh State 8 leh UT 5 atanga palaite an tel a. He programme-ah hian cultural troupe ten  hnam lam, zai rimawi  leh special item hrang hrang te an entir a ni.