Pi Zahawm tak,
Khawvel puma mipui rorelna rama political party lian ber kum 125 tlin lawm tanna ah hian Indian National Congress, Mizoram chuan kan lawm che a, Sorkar leh mipui aiawhin duhsakna ka hlan a che. Vawiina kan zinga i lo tel leh thei hi kan lawm tak zet a ni.
Khawvel puma mipui rorelna rama political party lian ber kum 125 tlin lawm tanna ah hian Indian National Congress, Mizoram chuan kan lawm che a, Sorkar leh mipui aiawhin duhsakna ka hlan a che. Vawiina kan zinga i lo tel leh thei hi kan lawm tak zet a ni.
Kan rama chhungkaw hlun leh chhuanawm taka member i nih ang hian, chumi chhungkua nunphung leh thuvawn vawng nungtu i ni a, hnam tlem tribal te leh khawtlanga hnam hnufual te hamthatna leh hmasawnna tur in ngaihtuah tlat thin avang te hian Mizoram mipui te chuan an ngaina-in an zah em em reng che u a ni.
Ka Pi, Assembly inthlan hnuhnung bera i mi kaihhruaina azara hnehna ropui tak kan chan theih avang khan i chungah kan lawm tak zet a, Village Council inthlannaa 80 % chakna kan nei thei te, Lok Sabha inthlana hnehna ropui tak kan chang te kha kan lawm hle a ni. Inthlan dawna kan zinga i lo tel thei ringawt pawh khan min tiphur nasa hle a ni. Min beisei ang ngeia thawh chhoh kan tum tlat dawn a ni tih ka hrilh duh che a, kan tum leh din chhan te, Mizoram mipui leh party hnena kan intiamna te tihhlawhtlin tumin kan bei zel dawn a ni. Mizoram mipui te min beiseina anga hna thawha, hlemhletna tel lo leh langtlang sorkar siam kan tum tlat dawn bawk a ni.
Mizoram tana i thilphalna leh inhawnna te ropui kan ti a, kan mamawhna zawn apiangah min lo tanpui thin a. Kawng tinrenga hmasawnna tur leh kan State pachhe tak chawikanna tura sum leh thil danga sorkar laipui min tanpuina tura kan dilna leh ngenna te min lo ngaihpawimawhsak thin avangin kan lawm tak zet a, hetianga min duhsakna hi hun lo awm zel turah pawh in chhunzawm zel kan beisei tlat a ni.
Kan State Sorkar programme pui ber - New Land Use Policy, Sorkar Laipuiin min pawmpuina tura min thlawp tlat avangin kan lawm a, NLUP hian thingtlang mi rethei leh harsa zawk te eizawnna ngelnghet siamsak a, rualkhai taka hmasawnna thlentir a tum a. Chumi rual chuan he programme hian ramngaw siam belh leh kan chenna khawvel boruak tha zawk siam a tum tlat bawk a ni. Kan ngaih em em Pu Rajiva’n rethei leh hnuaihnungte mittui hrukfai saka, hmasawnna kawnga chanvo intluk tlang changa rualkhai taka ke kan pen tlan theih nana theihtawp a chhuah thin ang khan chumi tumram thlenna turin NLUP hi duan a ni. Nang leh kan Prime Minister zahawm tak Dr Manhoman Singh te malsawmnain he rahbi te tak te hi hmalam panna pen lian tak a nih ngei ka ring tlat a ni.
Ka Pi, kutdawh thuamhnaw inbela dawhthleng nena dil reng kan duh hauh lo. A rang thei ang bera intodelh hi kan thlahlel em em a ni. Mahse chumi kawngah chuan harsatna tam tak a awm. Kuta min kaih kan ngai. Sorkar Laipuia kan thupui chu “Nakina kan tanpui theihna tur che u-in tunah min tanpui rawh u,” tih a ni thin. He ngenna tlawm tak hi hriatthiamna leh khawngaihna nen min lo dawnsawn sak turin ka ngen a che.
Kan ram helai hmun, kum 20 chhung tharum thawhnain a nuai chhiat tawh hmunah party hruaitu, a bik takin Pu Rajiva’n remna leh muanna hlu tak min neihtir hi chanchin ziahna (history) chuan ropui takin a chhinchhiah reng tawh dawn a. Pu Rajiva’n fing taka min lo kaihhruai avang leh Congress mi leh sa te inhlanna azarah Mizoram chu tunah muanna thiarkar ah a lo chang ta. He muanna hlu tak hi kan vawng tlat dawn a, i malsawmna leh kaihhruaina azarah kan thei tih pawh kan inhria. Vawiin ah hian, Peace Accord ziah fel hnu lawka Pu Rajiva hova in chhungkuaa Mizoram dung leh vang fanga, ni sa leh ruahpui hnuaiah motor kawng chhe taka tlana, khaw tina dinga, thingtlang mi rethei te te kawma min rawn tlawh te kha ka hre chhuak a, theihnghilh a har hle-in ka hria. Mi ngainatawm tak Pu Rajiva leh i tawiawmna tling tak avang khan Mizo mipui te rilruah in cham reng thin a ni.
Hmeichhia te tihchakna kawnga hma i lakna hi thinlung takin kan thlawp che a, kan ram tana a thatna leh hlawkna tur hriaa dan siamtu te leh mitin-in an thlawp tha-in ka hria. Hmeichhia te tana seat hauhna (reservation) pawh hi tha kan tiin kan pawmpui tlat bawk che a ni.
A tawp berah chuan, i programme tul tak kara Mizoram min rawn tlawh thei hi ka Pi kan lawm tak zet a, hei hian helai state leh a mipui duhawm tak te i hmangaihzia leh ngaihsakzia a tilang chiang hle a ni. India ram mihring nuai tam tak tana kum tam tak rawng i bawl zel theih nan Pathian chuan hruaiin tichak zel che rawh se.
Ka lawm e.
Lal Thanhawla
Ka Pi, Assembly inthlan hnuhnung bera i mi kaihhruaina azara hnehna ropui tak kan chan theih avang khan i chungah kan lawm tak zet a, Village Council inthlannaa 80 % chakna kan nei thei te, Lok Sabha inthlana hnehna ropui tak kan chang te kha kan lawm hle a ni. Inthlan dawna kan zinga i lo tel thei ringawt pawh khan min tiphur nasa hle a ni. Min beisei ang ngeia thawh chhoh kan tum tlat dawn a ni tih ka hrilh duh che a, kan tum leh din chhan te, Mizoram mipui leh party hnena kan intiamna te tihhlawhtlin tumin kan bei zel dawn a ni. Mizoram mipui te min beiseina anga hna thawha, hlemhletna tel lo leh langtlang sorkar siam kan tum tlat dawn bawk a ni.
Mizoram tana i thilphalna leh inhawnna te ropui kan ti a, kan mamawhna zawn apiangah min lo tanpui thin a. Kawng tinrenga hmasawnna tur leh kan State pachhe tak chawikanna tura sum leh thil danga sorkar laipui min tanpuina tura kan dilna leh ngenna te min lo ngaihpawimawhsak thin avangin kan lawm tak zet a, hetianga min duhsakna hi hun lo awm zel turah pawh in chhunzawm zel kan beisei tlat a ni.
Kan State Sorkar programme pui ber - New Land Use Policy, Sorkar Laipuiin min pawmpuina tura min thlawp tlat avangin kan lawm a, NLUP hian thingtlang mi rethei leh harsa zawk te eizawnna ngelnghet siamsak a, rualkhai taka hmasawnna thlentir a tum a. Chumi rual chuan he programme hian ramngaw siam belh leh kan chenna khawvel boruak tha zawk siam a tum tlat bawk a ni. Kan ngaih em em Pu Rajiva’n rethei leh hnuaihnungte mittui hrukfai saka, hmasawnna kawnga chanvo intluk tlang changa rualkhai taka ke kan pen tlan theih nana theihtawp a chhuah thin ang khan chumi tumram thlenna turin NLUP hi duan a ni. Nang leh kan Prime Minister zahawm tak Dr Manhoman Singh te malsawmnain he rahbi te tak te hi hmalam panna pen lian tak a nih ngei ka ring tlat a ni.
Ka Pi, kutdawh thuamhnaw inbela dawhthleng nena dil reng kan duh hauh lo. A rang thei ang bera intodelh hi kan thlahlel em em a ni. Mahse chumi kawngah chuan harsatna tam tak a awm. Kuta min kaih kan ngai. Sorkar Laipuia kan thupui chu “Nakina kan tanpui theihna tur che u-in tunah min tanpui rawh u,” tih a ni thin. He ngenna tlawm tak hi hriatthiamna leh khawngaihna nen min lo dawnsawn sak turin ka ngen a che.
Kan ram helai hmun, kum 20 chhung tharum thawhnain a nuai chhiat tawh hmunah party hruaitu, a bik takin Pu Rajiva’n remna leh muanna hlu tak min neihtir hi chanchin ziahna (history) chuan ropui takin a chhinchhiah reng tawh dawn a. Pu Rajiva’n fing taka min lo kaihhruai avang leh Congress mi leh sa te inhlanna azarah Mizoram chu tunah muanna thiarkar ah a lo chang ta. He muanna hlu tak hi kan vawng tlat dawn a, i malsawmna leh kaihhruaina azarah kan thei tih pawh kan inhria. Vawiin ah hian, Peace Accord ziah fel hnu lawka Pu Rajiva hova in chhungkuaa Mizoram dung leh vang fanga, ni sa leh ruahpui hnuaiah motor kawng chhe taka tlana, khaw tina dinga, thingtlang mi rethei te te kawma min rawn tlawh te kha ka hre chhuak a, theihnghilh a har hle-in ka hria. Mi ngainatawm tak Pu Rajiva leh i tawiawmna tling tak avang khan Mizo mipui te rilruah in cham reng thin a ni.
Hmeichhia te tihchakna kawnga hma i lakna hi thinlung takin kan thlawp che a, kan ram tana a thatna leh hlawkna tur hriaa dan siamtu te leh mitin-in an thlawp tha-in ka hria. Hmeichhia te tana seat hauhna (reservation) pawh hi tha kan tiin kan pawmpui tlat bawk che a ni.
A tawp berah chuan, i programme tul tak kara Mizoram min rawn tlawh thei hi ka Pi kan lawm tak zet a, hei hian helai state leh a mipui duhawm tak te i hmangaihzia leh ngaihsakzia a tilang chiang hle a ni. India ram mihring nuai tam tak tana kum tam tak rawng i bawl zel theih nan Pathian chuan hruaiin tichak zel che rawh se.
Ka lawm e.
Lal Thanhawla
