906/2022-2023

Aizawl the 15th June, 2022 : Nimin June ni 14,2022 khan Rajya Sabha MP Pu K. Vanlalvena chuan Bairabi MZP sub Hqrs buatsaih HSLC leh HSSLC tithate chawimawina prog ah Khuallian niin hun a hman pui a. Zophai a Mizo IR camp leh Rail Station a buhfai unload chungchanga FCI in harsatna a tawh thin te a hmunah a enfiah nghal bawk a ni. 

IR Camp commander Inspector Pu F. Tlanghmingthanga'n Pu Vena hi a lo dawngsawng a. Ramri bul hnaia Mizoram police duty te mamawh leh tul dangte a sawipui . 

Pu Vena hian Rail Station tlawh nghalin  FCI buhfai, Relin Bairabi a rawn phurh thlen thin unload chhung a rei lutuk thin avanga rel vawi khat buhfai unload chhunga waiting charge cheng nuaih 5 bawr lai hman ral a ngai ziah thin chu pumpelh theih dan tur te a endik pah bawk a.Pu Vena hi FCI consultative Board Chairman nilai a ni. 

MP Pu K. Vanlalvena hi Kolasib MNF Block hruaitute, MZP hruaitute, Bairabi SDC Pu Vanlalmuana MCS, Bairabi Joint VC Chairman Pu R. Lalrinawma leh a thawhpuite, Bairabi police OC leh IR commander te bakah Kolasib Dist MJA president Pu Andrew VL. Auva leh a thawhpui ten an tawiawm a ni.

Attachment

  • Loading attachment...