905/2022-2023

Siaha; the 14th June,2022: Vawiin chawhnu dar 3:00Pm khan HDFC Bank chuan an Corporate Social Responsibility (CSR) Fund atangin District Hospital,Siaha a hman tur a hnuaia medical equipment tarlan te hi a hlan:-

1) Motorised ICU Bed---5

2)Multi Para Monitor--5

3) Suction Machine---5

4)BiPAP Machine--5

5)CPAP Machine---5

6) Ventilator---2

7)Median Transport Ventilator--3

Vawiin HDFC te thilpek hlanna programme hi DMS Hall-ah neih a ni a. Programme Pi H.Vanlaltluangi, Stress Management Instructor chuan kaihruaiin, Dr. C. Lalrosanga, DMS, Siaha chuan kalkhawm te chawnglawmna thu a sawi. Pu Lalsangliana, District Bawrhsap chuan khuallian niin vawiin programme hi a hmanpui bawk.

Khuallian chuan thu sawiin, Siaha hi district senior 3 zinga mi kan ni a, mahse kan district Hospital hian Medical equipment a nei  nei that loh bakah Cabin pawh kan la nei lo a ni. Kan dinhmun te hriain  Pi Lalhmingmawii, Area Head, HDFC, Aizawl chuan Siaha district tan theitawp a lo chhuah a, amah leh a thawhpuite chungah lawmthu ka sawi tak zet a ni. Equipment dang pawh min pek chhunzawm zel theih nan HDFC hian malsawmna nasa leh zuala dawng turin duhsakna ka hlan a ni, a ti. Pu Lalsangliana chuan Siaha district kawng hrang hranga hma kan lo sawn theih nan ram hruaitu, sorkar officer lian, NGOs, media leh mipuite kan tanrual atul tak zet a ni, a ti bawk. 

Pu Sunny Bargohain, Director, DRR and Capacity building,Doctors For You, pawhin thu sawina hun hmangin, an hnathawh dan tlangpui leh CSR an sem thin dan a sawi.

Pi Lalhmingmawii, Area Head, HDFC Bank, Mizoram chuan lawmthu sawiin, Siaha district mipui te chu HDFC Bank lo dawr zel tur leh thawhpui zel tura ngenna siamin, HDFC Bank-a account la hawng lo te pawhin lo   hawng zel turin Siaha district mipuite  a sawm a. CSR Fund atanga Siaha district mipui  te tana kan luangchhuah chhunzawm zel theih nan in mi thawhpuina kan mamawh a ni, a ti.

HDFC Bank aiawh hian Pi Lalhmingmawii,Area Head,HDFC Bank chuan thilpek te hi Pu Lalsangliana leh Dr. C.Lalrosanga,DMS  hnenah a hlan a ni.

HDFC Bank hian kum 2020 pawh khan Health Department hnenah an CSR atangin tanpuina Rs.13.7lakhs a lo hlan tawh a ni.