3218/2022-2023

New Delhi 12th January 2023: Delhi a châm mêk Mizoram Rajya Sabha MP Pu K.Vanlalvena chuan nimin khan Union Defence Secretary Pu Giridhar Aramane IAS hnenah Border Road Organisation(BRO) hotu thenkhat te lakah disciplinary action lak tul a tih thu a thlen. Pu Vena chuan kum 2020 ah Ministry of DoNER in NEC kaltlangin Mizoram chhimchhak lam leh Chin Hills Capital inkal pawhna tur Sangau to Saisihchhuah Double lane road laihna tur sanction cheng vaibelchhe 66(Rs 66 crores) a sanction a. He hna thawk tur hian BRO chu DoNER hian a thlang a ni tih a tarlang a.

Chin hills khawpui Hakha atangin Saisihchhuah hi China puihna in Myanmar sawrkar chuan kum thum kal ta khan double lane kawng a rawn lai tlang daih tawh a. Kawng laihna atana pawisa sanction a nih hnu kum hnih aia rei liam hnu ah pawh BRO hian metre khat leka thui pawh kawng an la laih loh avangin sanction hi withdraw leh tura ruahman mek a ni a. Mizoram mipuite hmasawnna ngaihthahna leh ram leh hnam himna(National Security) ngaih pawimawh lohna lian tak a nih avangin he thila mawhphurtu BRO hotute chungah action lak chu tih makmawh nia a hriat thu a tarlang bawk a ni.

Pu Vena chuan Champhai - Siaha defence road thui tak laih tawh leh hun leh sum tam tak senral tawhna ni si,Thingsai leh Pangkhua inkar kawng laih tur thawk duh lova kum tam tak hna an chawlh tawh hnuah an tawpsan ringawt avang te hian BRO hotute hian  tribal mipuite hmasawnna an ngai pawimawh lovin ram leh hnam himna an ngaihthah tih a  lang chiang a, disciplinary action hi a rang thei ang bera lak hi thil tih mâkmawh a ni  tiin Defence Ministry chu BRO te chunga action la turin a ngen a ni.

Attachment

  • Loading attachment...