8/2023-2024

Champhai, the 3rd April, 2023: March ni 21, 2023 a District Level Committee on Myanmar Refugees (DLCMR), Champhai District thukhawm thurel bawhzuina kalzelah vawiin khan District Bawrhsap Pu James Lalrinchhana, Chairman, District Level Committee on Myanmar Refugees, Champhai District chuan raltlante tana kaihhruaina dan chungchanga hriattirna a chhuah.

1. Village Level Committe on Myanmar Refugees (VLCMR) hi mumal takin kalpui tur a ni a. Thlatin vawikhat tal meeting an ko tur a ni. Meeting report hi Chairman, District Level Committee on Myanmar Refugees hnenah theh luh tur a ni.
2. Myanmar Refugee zawng zawngin an Myanmar ID Card (Mahpungtre) Village Level Committee on Myanmar Refugees hnenah April ni 15, 2023 ral hmain an theh lut vek tur a ni a, VLCMR in an lo kawl tha ang.
3. Myanmar Refugee-te an awmna veng/khua te hriatpuina lovin an duh duhnaah an kal sawn thin tih thu dawn a ni a. Hemi a nih avang hian Village Level Committee on Myanmar Refugees (VLCMR) in permit a pekte chauhin an awmna veng/khua an sawn thei ang. Hemi kaihhnawiha District chhuahsan tur leh lut tur Motor-te Police leh Assam Rifles ten an endik ang.
4. Dan leh thupek chungchangah an awmna VLCMR / YMA ten uluk takin an vil tur a ni.
5. Myanmar Refugee-te dawr siam leh sumdawnna thil chungchangah, Village Level
Committee on Myanmar Refugees (VLCMR) meeting-in phalna a pekte chauhin dawr siam leh sumdawnna an khawihin an kalpui thei ang.