Vawiin khan ICFAI University Mizoram leh SIRD Mizoram ten an buatsaih Ni hnih awh tur State Level Seminar on Socio-Economic Development in Mizoram: Issues and Challenges tih thupui hmanga ICFAI University Durtlang North-ah neih a ni a. Pu Joseph Lalhimapuia, Parliamentary Secretary in a hmanpui.
Budget outlay a development hna thawhnaah RBI in 2014-2015 chhunga State budget pumpui percent atanga development thawhna atana pawisa hmang tam, hmang tha a zirna ah India ramah a sang berah min dah a ni tiin khuallian Pu Joseph Lalhimpuia chuan EDP ah Mizoram hi 8.46% a ni a, chu chu National GSDP ai pawhin a sang zawk a. Chutiang khawp chuan ram hmasawnna ah sawrkar hian development-ah hna nasa takin a thawk a ni a ti.
State population 2.2 ah hian 3% vel chu sawrkar hnathawk an ni a, kan economic thannaah 19% an contribute a, kut hnawthawkte hian 14% an lo tum ve thung a, kut hnathawk an tam ngaihtuahin sum leh pai dehchhuahah thawhchhuah a tlem hle a, GSDP hi sang tak ni mahse, kut hnathawk tu tam zawk te hi dinhmun a san loh chuan chuan a lungawithlak lo a ni. Chuvang chuan he seminar atang hian University leh SIRD, Agriculture lam a mithiam te hian kan thiamna te hi kan rama kut hnathawktu te, loneia eizawngte dinhmun tha tak, hlawh tling taka an awm theihna tur in an tan kaihhruaina tha kan pe thei ang em tih hi chona pawimawh tak a ni a ti. Pu Lalhimpuia chuan Scientific research leh development lamah tan kan lak a ngaih thu sawiin, Research kan neih tak tak loh chuan hmasawnna tluantling a awm thei lovang. Statstics lamah data rintlak kan neih a ngai a, School Education ah chuan school mapping rintlak tak nei turin kan inbuatsaih a. Statstics mumal kan neih loh chuan kan dinhmun dik tak kan hre thei lo a, hmasawnna tura hmalak dan tur pawh a hriat theih thin loh a ni a ti a.
India ramah hian mihhring cheng mek 65% hi kum 35 hnuai lam an ni a, Prime Minister kal chhuak ta Dr. Manmohan Singh khan hma thlir thui tak neiin thalai te hma khua thlirin kum 2022 ah chuan mihring mi maktaduai 500 vel in certificated neia eizawnna mumal an neih theihna turin ruahmanna mumal takin a siam a, hei hi tunah pawh chhunzawm chhoh mek niin thalaite tan eizawnna atan India rampumah skill development lamah Programme hrang hrang a kalpui mek a ni a, hemi atan hian National Skill Qualification framework(NSQF) siam a ni a, hemi hnuaia in zir chhuak certificate nei te chuan Company ah hna an hmu thei dawn a ni a ti.
Tunlai thalaite hian mahni a thawhchhuah tumna an nei lo tih sawiin hengte hi mahni ke a ding thei tura kan cho chhuah loh chuan kum lama upa zawk ten mual an liam hunah kan ram hi a ding chhuak loving tih a hlauhawm a. Pathianin min siam dan anga kan mawhphurhna kan hlen chhuah loh chuan University nei tawh mah ila, kan dinhmun a chau khawp ang. Chuvangin kan mithiam ten thalaite kan cho chhuah thiam a pawimawh a ni a ti bawk. Seminar hawnna inkhawm hi Dr. Vanlalhumi Academic Head in a kaihhruai a. University a mithiam tak tak ten paper an present chu zirho a ni. ICFAI ah hian Mizoram eizawnna atana tangkai tur course hrang hrang MBA, MA, BBA, BCA, BHTM, BA leh B.Comte kalpui mek a ni a, zirlai 470 vel an awm mek a.
ICFAI University Mizoram Campus acres 17.58 a zau hi Durtlang North-ah a awm a. Campus Building hi 43,000 sq.ft. niin a chhungah LCD Projector hmang classroom, computer lab, language lab, food lab, library lehkhabu 12,000 vel awmna, zirna atana tul leh tangkai Auditorium, recreation area nuam tak a awm a ni.
