School Education Department leh North East initiative Development Agency (NEIDA), Tata Trust ten thawh hona thuthlung an siam angin nimin Dt.1st December, 2015 khan Pu Joseph Lalhlimpuia, Parliamentary Secretary, School Education Department Office-ah hmalak dan tur sawi hona neih a ni.
He hunah hian North East InitiativeDevelopment Agency(NEIDA), Tata, enkawltute leh School Education Dept. hotute an tel a ni. NEIDA hotute hian Mizoramah, Grass root Football Academy District hrang hrang dintur atana hmalakna chak zawk leh ruahmanna fel zawk a awm theihna atan hian Pu Joseph Lalhimpuia, Parliamentary secretary leh School Education deptt. officer te chu, an hmunpui Jamshedpur-a Academy hrang hrang an neih te leh an kalpui dan te a hmun a enpui turin an sawm a, Senso tul ang ang pawh NEIDA hian a tum dawn a ni.
He Grassroot Football Academy District hrang hrangah Academy 60 dinna tur hi fel fai zawk leh kalphung fel tak a awm theihnan ni 3 December hian workshop buatsaih a ni dawn bawk a ni. School Education deptt. Mizoram leh North East Initiative Development Agency(NEIDA), Tata Trusts te hian thawhhona thuthlung hi Kum 2013 November thla khan an lo ziak fel tawh bawk.
He Programme Grassroot Football Academy hi School naupang kum 6-14 inkar te tana buatsaih tur a ni a, School Naupang te chawikanna tur niin hamthatna kawng hrang hrangin he programme hian kawng a hawng dawn a ni.
