Ramkang ven Hapta 21-27 February 2014 chhunga hman dan tur chuvawiin khan DC Conference Hall, Mamit ah Chairman District Bawrhsap Pu R.S Lalzamliana hova rel a ni.
He meeting-ah hian State Level Fire Prevention Committee thutlukna angte a theih ang anga District Level-ah zawm ni se, tih te rel a ni a, Mamit District ah chuan District Level Fire Prevention Committee buatsaihin Hapta hawnna Chhim Veng YMa Hall-ah ni 21 February 2014 ( Zirtawpni) zing dar 7:30 am ah neih ni se, Hawng turin District Bawrhsap ruat a ni bawk.
Meeting chuan Ramkang ven kawnga hnathawk tha khua pathum thlan leh ni se, a thlang turin DFO, DLAO leh Sub Hqrs YMA te a ruat nghal bawk a ni. Hei bakah hian Ramkang venna kawnga thuziak tha chanchinbu leh Cable Networks te thlanchhuah ni se, DFO leh DIPRO te thlang tura ruat an ni bawk.
He Meeting-ah hian State Level Fire Prevention Committee in 15th March 2014 aia tlai lovah Lo hal vek tur lo hal tur reng rengin chawhnu dar 3:00 pm hma a hal lo tura tih thu leh a bikin Lengpui Airport leh a chhehvel khuate phei chu zawm ngei ngei tura hriattir ni se tih te rel a ni.
Committee chuan a theih anga zauva kangmei ven a tulzia Awarness neih nise tih te rel a ni bawk.
He meeting-ah hian District level Commmitteee members te an tel tha hle a ni
