FCS&CA Minister Pu K Lalrinliana chuan vawiin khan Mizoram Upa Pawl Hmar Veng Branch Kolasib Rising day vawi 62 na a hmanpui.

Khuallian chuan Upa te chu Hnam Rohlu an nih thu sawiin Ram leh Hnam changkang apiang in Upa te an ngaihlu ani a ti. Upa te tawnhriat chu rohlu a nih thu tarlangin khawvel thang chho zel ah thangtharten nghet tak leh mahni inringtawk taka khawsak phah nan an hmang thin a, lehkha ziak mi ten ziakin thil hi vawng tha lo se lang chuan hun kal tawh a khawvel kalphung te hi kan hre mumal loving tiin Upa te pawn an tawnhriat te chu Ro hlu tak a nih angin ziakin dah tha thei se a tangkai in a hlu lehzual ang a ti.

Upa te hlutna chu thangtharten kan hriat nawn fo a ngai ani tiin aia Upa zah leh chawimawina kawngah pawh tan kan lak lehzual a ngai a, Ram changkang ah chuan Upa te’n ngaihpawimawh leh ngaihhlut an hlawh thu tarlangin Mizo thalaite pawh Ram hrang hrangah Upa te enkawl na hmunah an inhlawh thin thu sawi bawk in, Mithiamte leh Ram changkang te chuan Upa te hlimna bakah thlamuang taka an khawsak theihna turte leh ei leh in hrisel zawk an mamawhna te chu ngai pawimawhin hma an la thin a, heng kawngah te pawh hian Mizo te pawhin ngaituahna kan sen ve  a ngaih thu a tarlang bawk a ni.

Mizoram Upa Pawl Hmar Veng Branch Kolasib Rising day vawi 62 na ah hian Hmar Veng a Upa pawl member thahnem tak an kalkhawm a, AuX. Capt R.k Lalnghinglova chuan hunserh a hmang a, Secretary hnen atangin report ngaihthlak niin , Pu DK Tlangchhuaka, Treasurer chuan lawmthu sawiin hnu a khar a, hun hman zawh ah hian ruai kilho nghal a ni.