September ni 21-23, 2010 chhung khian ram pariat (8) Ambassador/High Commissioner bakah an nupuite leh officials ten Mizoram an tlawh tur chungchang ngaihtuahin vawiin khan Mizoram Chief Secretary Pu Van Hela Pachuau hovin meeting pawimawh tak neih a ni.
Heng Ambasador leh an team te chuan Aizawl bakah Champhai leh Zokhawthar tlawh an tum a. An cham chhungin Governor, Chief Minister leh Ministers te nen inkawmna hun buatsaih sak an ni bawk ang.

Mizoram tlawh tur Ambassador/High Commissioner te chu Malaysia, Brunei Darussalam, Republic of Indonesia, Lao People's Democratic Republic, Union of Myanmar, Republic of Singapore, Kingdom of Thailand, Socialist Republic of Vietnam an ni a. Anni bakah hian Ministry of DoNER atangin Pu S.C.Sharma, Jt. Secretary a lo tel bawk ang.