Zoram Research Foundation buatsaih ni 4 awh 'International Seminar on Grouping of Villages' chu vawiin khan I&PR Conference hall-ah khar a ni ta a, Mizoram Chief Secretary Pu Vanhela Pachuau-in kharna hun hi a hmanpui a ni. Pi Lalrindiki Fanai, Dept. of English, MZU kaihhruai he kharna inkhawmah hian MAKAIAS atanga Seminar Observer lo tel ve Dr. Binoda Mishra leh Prof. C.Nunthara ten Seminar chhunga Paper present leh sawihona zawng zawng tlipna leh khaikhawmna an nei bawk
Mizoram Chief Secretary chuan thu sawiin Zoram Research Foundation-in khawkhawm chungchanga khawvel huap Seminar an buatsaih thei chu lawmawm a tih thu a sawi a. Mithiam leh zirmi ten Mizoram chanchina hun thim ber, rambuai leh khawkhawm nghawng te an zir a, a chungchang an ziakin an sawichhuak thin hi a tha em em a, amaherawhchu thangtharten an hmuh ve phak loh Mizo ram leh hnama hun pawimawh leh danglam tak hi an hriatchiana an hriat reng a tul rual rualin thinrim leh huatna rilru put phah nan chuan hman a tha ber lo a ni, a ti. India sorkar-in sipai hmanga Mizoram buai an donaah Mizo mipuite chungah thil rapthlak leh sawi hrehawm tam tak ti mahse vawiin ni ah chuan India khua leh tui dik tak kan nihna leh India sorkarin Mizoram chu sum leh pai bakah kawng hrang hrangin min puiin min duhsak em em a ni tih i theihnghilh lovang u, a ti bawk. Hlemhletna leh sorkar hmasial tak awmna apiangah helna a punlun thin tih sawiin Pu Vanhela Pachuau chuan thil kal tawhte theihnghilh a, inngaihdam tawnna thinlung put thiam a, vawiin ni ah chuan Mizoram leh Mizo mipuite hamthatna leh hmasawnna tur atan kan ngaihtuahna leh kan tha kan sen a tulin a pawimawh hmasa ber zawk a ni, a ti.
He Seminar bultumtu Maulana Abul Kalam Azad Institute of Asian Studies (MAKAIAS), Ministry of Culture, Kolkata aiawha lo kal Dr.Binoda Sharma pawhin thu sawiin MAKAIAS chuan hmarchhak state leh a mipuite chu an zir ber pakhat a ni, a ti a. Khawkhawmin Mizo hnamzia leh nunchang, ei leh bar, rilru sukthlek dan leh eizawnna thlenga a khawih danglam nasat chu he Seminar atangin a lang chiang hle tih a sawi bawk. Tunlai khawvela ngaihtuah tur pawimawh tak pakhat chu 'khawkhawm' hi a chhe zawng ni lovin fimkhur taka hman a nih chuan ram hmasawnna tur atan hmanraw tha tak a ni thei tawh zawk ang em tih ngaihtuah zui a pawimawh a ni, a ti.
ZoRF Vice-Chairman leh Former Head, Dept. of Sociology, NEHU Prof.C.Nunthara chuan Seminar a khaikhawmnaah he Seminar danglamna tak chu ex-MNF, ex-civil servants, politician te leh mithiam awmkhawmin khawkhawm chungchang inpawh tak leh inhawng taka sawiho tura an kalkhawm theih hi a ni, a ti. Mizoram ah kum 1966 khan khaw 764 a awm a, chung zinga 560 chu tihluihnain hnawhchhuaha khaw 110 ah dahkhawm an ni a; kum 1991 khan Mizoramah khaw 785 awm zingah, 690 chu luah an ni a, 16 erawh chu rauhsan hlen an ni tih a sawilang a ni. Mizoram buai leh khawkhawmna avanga Mizo mipuiten harsatna leh tihduhdahna hrang hrang chi 36 tarlanna Memorandum chu kum 1974 khan Brig.T.Sailo kaihhruaiin Human Rights Committee in India sorkar hnenah a thehlut nghe nghe a ni. Mizoram buailai khan intelligence, civil administration, mipui zalenna te a hlawhchham vek a, state sorkar chu hming maia awmin a tak taka roreltu leh dan leh thupek kengkawhtu chu sipai an ni tih sawilangin Pu Nunthara chuan he hun thim takin Mizo mipuite tan harsatna namen lo a thlen mai bakah Mizo hnam inpumkhatna te, pi leh pu atanga hnamzia an chhawmnun te, Mizo tobul leh khaw chanchin hlu tak tak te kan hauh a ni, a ti. Rambuaiin Mizoram leh a mipui chunga nghawng a nei thui zia tilang chiangtu pakhat chu vawiin ni ah hian India chu sum leh pai bakah thil dehchhuahna lama khawvel entawn khawpin kal chak mek laiin Mizoram erawh chu mahni intodelh zo lo leh sum mamawh pawh pek ngai khawpa kan dinhmun la chhe reng hi a ni tih a sawilang bawk.
'International Seminar on Grouping of Villages' chhunga Paper chhiarchhuah leh sawihona atanga thuchiang tak langchhuak te leh he Seminara tel zawng zawng ten lungrual taka Resolution an pass te chu :-
1. 'Grouping' hi India sorkarin Naxalite ho beih nan hman tumna a nei reng a. Hotu thenkhatte phei chuan hman an duh reng tawh. Mahse, Mizorama thil thleng avang khan sernung reh thei lo a la awm reng a. Sorkar laipuiin a la hmang ngam lo a ni.
2. ZoRF te hian 2011 ah hetiang ang Seminar tho hi Delhi-ah neih leh an tum chu zau zawkin he issue hi vawrhdarh an tum a ni.
3. Khawkhawm chungchangah hian sorkarin WHITE PAPER a tihchhuah a hun tawh hle tih chu kalkhawmte ngaihdan a ni.
Seminar hi miin an hlut em em a, ni 3 chhung hian nitin I&PR Conference Hall-ah lenglo khawpin participants an thahnem a ni. Aizawl pa hlun leh langsar tak tak leh thalai mithiam tamtakin inpawlh mawi takin he Seminar hi an hmang tluan zak a. Zalenna sualtute leh khatih hunlaia anmahni beituten dawhkan khat kil tlangin 'Khawkhawm' thu ril tak tak kham lo takin an khel tlang a ni.
He Seminar bultumtu Maulana Abul Kalam Azad Institute of Asian Studies (MAKAIAS), Ministry of Culture, Kolkata aiawha lo kal Dr.Binoda Sharma pawhin thu sawiin MAKAIAS chuan hmarchhak state leh a mipuite chu an zir ber pakhat a ni, a ti a. Khawkhawmin Mizo hnamzia leh nunchang, ei leh bar, rilru sukthlek dan leh eizawnna thlenga a khawih danglam nasat chu he Seminar atangin a lang chiang hle tih a sawi bawk. Tunlai khawvela ngaihtuah tur pawimawh tak pakhat chu 'khawkhawm' hi a chhe zawng ni lovin fimkhur taka hman a nih chuan ram hmasawnna tur atan hmanraw tha tak a ni thei tawh zawk ang em tih ngaihtuah zui a pawimawh a ni, a ti.
ZoRF Vice-Chairman leh Former Head, Dept. of Sociology, NEHU Prof.C.Nunthara chuan Seminar a khaikhawmnaah he Seminar danglamna tak chu ex-MNF, ex-civil servants, politician te leh mithiam awmkhawmin khawkhawm chungchang inpawh tak leh inhawng taka sawiho tura an kalkhawm theih hi a ni, a ti. Mizoram ah kum 1966 khan khaw 764 a awm a, chung zinga 560 chu tihluihnain hnawhchhuaha khaw 110 ah dahkhawm an ni a; kum 1991 khan Mizoramah khaw 785 awm zingah, 690 chu luah an ni a, 16 erawh chu rauhsan hlen an ni tih a sawilang a ni. Mizoram buai leh khawkhawmna avanga Mizo mipuiten harsatna leh tihduhdahna hrang hrang chi 36 tarlanna Memorandum chu kum 1974 khan Brig.T.Sailo kaihhruaiin Human Rights Committee in India sorkar hnenah a thehlut nghe nghe a ni. Mizoram buailai khan intelligence, civil administration, mipui zalenna te a hlawhchham vek a, state sorkar chu hming maia awmin a tak taka roreltu leh dan leh thupek kengkawhtu chu sipai an ni tih sawilangin Pu Nunthara chuan he hun thim takin Mizo mipuite tan harsatna namen lo a thlen mai bakah Mizo hnam inpumkhatna te, pi leh pu atanga hnamzia an chhawmnun te, Mizo tobul leh khaw chanchin hlu tak tak te kan hauh a ni, a ti. Rambuaiin Mizoram leh a mipui chunga nghawng a nei thui zia tilang chiangtu pakhat chu vawiin ni ah hian India chu sum leh pai bakah thil dehchhuahna lama khawvel entawn khawpin kal chak mek laiin Mizoram erawh chu mahni intodelh zo lo leh sum mamawh pawh pek ngai khawpa kan dinhmun la chhe reng hi a ni tih a sawilang bawk.
'International Seminar on Grouping of Villages' chhunga Paper chhiarchhuah leh sawihona atanga thuchiang tak langchhuak te leh he Seminara tel zawng zawng ten lungrual taka Resolution an pass te chu :-
1. 'Grouping' hi India sorkarin Naxalite ho beih nan hman tumna a nei reng a. Hotu thenkhatte phei chuan hman an duh reng tawh. Mahse, Mizorama thil thleng avang khan sernung reh thei lo a la awm reng a. Sorkar laipuiin a la hmang ngam lo a ni.
2. ZoRF te hian 2011 ah hetiang ang Seminar tho hi Delhi-ah neih leh an tum chu zau zawkin he issue hi vawrhdarh an tum a ni.
3. Khawkhawm chungchangah hian sorkarin WHITE PAPER a tihchhuah a hun tawh hle tih chu kalkhawmte ngaihdan a ni.
Seminar hi miin an hlut em em a, ni 3 chhung hian nitin I&PR Conference Hall-ah lenglo khawpin participants an thahnem a ni. Aizawl pa hlun leh langsar tak tak leh thalai mithiam tamtakin inpawlh mawi takin he Seminar hi an hmang tluan zak a. Zalenna sualtute leh khatih hunlaia anmahni beituten dawhkan khat kil tlangin 'Khawkhawm' thu ril tak tak kham lo takin an khel tlang a ni.
Attachment
- Loading attachment...
