No.3869/2021-2022

Aizawl, 1st February, 2022 : African Swine Fever (ASF) hri len avanga atanga ram pawn atanga vawk leh vawksa lakluh khapa August ni 9, 2020-a tihchhuah tawh chu he hri leng hi Mizoramah chuan thunun tawh a nih avang leh Animal Husbandry & Veterinary Department-in December, 2021 atanga thla hnih chhung hri kai thar report tur an neih tawh loh bawk avangin thu leh awm hma chu hlih rih a ni tih Chief Secretary Dr Renu Sharma chuan nimin khan thupek a chhuah.

Mizoram pawn atanga vawk leh vawksa la lut turte chuan a hnuaia tarlan te hi zawm ngei tur a nih thu thupekah hian tarlan a ni :

1) Vawk inthlahpuntir turte chuan National Action Plan hnuaia SOP siam chu zawmin vawk inthlahpuntirna tur hmun leh a chhehvel chu an thian thianghlim ngei ngei tur a ni.

2) Vawk puitling/vawk note lalut turte chuan AH& Vety Department, Government of Mizoram hnen atangin phalna an la hmasa ngei gei tur a ni.

3) Vawk/Vawk note te hi hri awm lohna State leh thenawm ram ami te chauh lakluh phal a ni a, an hrisel tha a ni tih tihchianna certificate leh CSF vaccination certificate an la tur a ni a, hengte hi Animal Check gate ah an phawrh thei ngei ngei tur a ni.