No.3868/2021-2022

Aizawl the 1st February, 2022: Vawiin chawhma dar 11:00 khan District Level Committee on Myanmar Refugees, Khawzawl District chu an Chairman Pu C.C. Lalchhuangkima, Deputy Commissioner ni bawk hovin DC Conference Hall-ah a vawikhatna atan an thukhawm.

Meeting-ah hian Khawzawl District chhunga Myanmar ratlan awm mekte dinhmun thlirho a ni a. Tun dinhmunah District chhunga khaw 5 (panga) heng - Khawzawl, Chhawrtui, Chawngtlai, Tualpui leh Tlangmawi-ah te raltlan 54 awm mekin, heng raltlante hi an chhungte bel leh mahnia intungnung theiin an awm vek a. Khawzawl District chhungah a hranpaa refugee camp buatsaih a awm lo tih tarlan a ni. Sub-Headquarters YMA Khawzawl aiawhte chuan Myanmar atanga raltlan lo lut zat, list lakkhawm leh buaipui chungchangah a tul dan ang zela District Administration thawhpui an tum tih an sawi bawk.

Vawiina meeting-ah hian State sawrkar atangin Myanmar raltlante puala tanpuina Rs. 39,719/- (Cheng singthum sangkua zasarih leh sawmpakua) dawn tawh a nih thu leh semchhuah vek tawh a nih thu ngaihthlak a ni a. Raltlanten Covid-19 vaccine an lak ngei theih nan ruahmanna siam nise tih a ni bawk a. Raltlante a hmunah tlawh a, Medical Officer-te nen inrawn chunga ruahmanna siam turin Additional DC Pu Lalrohlua leh SDO (Sadar) Pu James Lalnithanga, Nodal Officer ni bawkte chu ruat an ni.