No.3867/2021-2022

Aizawl, the 1st February 2022: Aizawl District Bawhsap Dr Lalhriatzuali Ralte chuan a hnuaia tarlan ang hian thupek chhuahin Tanhril Mualkhang rama, NERCCDIP hnuaia SIPMIU hnathawhna hmun tlawh a khap.

Order kan lo chhuah tawh thin angin State Investment Programme Management & Implementation Unit (SIPMIU) in Tanhril Mualkhang rama, NERCCDIP hnuaia Aizawl khawpui tana Water Treatment Plant a kalpui mek chu hnathawh lai tihkhaihlak leh khawl hmanga hnathawhna hmun a nih avanga accident thlen palh theihna a nih avangin mipui mimir tan tlawh phal loh a ni a. Tin, Project area chhungah hian a thawktute puala Quarantine Centre hman lai te a awm bawk avangin Covid-19 hri pawh kai darh phah theih a nih avangin he lai hmun hi zalen taka tlawhpawh theih loh tura khuahkhirh a ngai a.

Chuvangin, CrPC 1973 Section 144 hmangin a hnuaia khapna thupek hi siam a ni e:

1) Tanhril Mualkhang rama SIPMIU-in Water Treatment Plant siam hna hi tluang taka thawh a nih theihna'n SIPMIU Water Treatment Plant huam chhung hi thu leh awm hma chuan Restricted Area ah he thupek chhuah atang hian puan nghal a ni a.

2) Water Treatment Plant Restricted Area huam chhungah Sawrkar thil tula duty emaw, SIPMIU-in phalna a pekte emaw ni lo, midang tan luh khap tlat a ni.

3) He thupek bawkchhia chu IPC Section 188 hnuaiah hrem theih a ni ang.

4) SIPMIU hian Water Treatment Plant Fencing leh Gate-ahte langsar takin Restricted Area tih hriattirna Signboard an tar ang.

5) He thupek hian chhuah a nih atanga thla hnih chhung a huam ang.