No.3866/2021-2022

Aizawl, the 1st February, 2022: Pu Vanlalnghenga, MPS, Addl. Superintendent of Police, Serchhip chuan sumdawnna himlo Pearlvine International laka fimkhur turin leh inhnamhnawih lo tura mipuite hriattirna a hnuaia mi ang hian a chhuah.

Tunlai hian Pearlvine International inti ten membership fee Rs. 2250 chawia, an sumdawnnaa member ni turin Serchhip leh khaw thenkhatah mi an zawng mek tih hriat a ni a. Crypto-currency hmanga sum peipunna hlawk tak anga inchhalin downline member thar tur an zawng thin tih hriat a ni.

He sumdawnna hi a himlo hle a, Serchhip Police tena an sumdawn dan kalphung an chhuina atangin tunhma chiahpuam an kalpui dan (Ponzi/Pyramid Scheme) nen a in ang hle.

An sumdawnnaah hian thil hralh leh zawrh awm lovin downline member zawn hmuha point hmuh theihna hlawk tak a ni a. Hetiang sumdawnna Sum lu (capital) ina hna thawk silo a hlawkna awm thei chi hi a himlo hle a ni.

Tunhmaa chiahpuam kan tihte nen khan kalphung inang tak a nih hmel a, criminal case te pawh siam theih a nih avangin mipuite fimkhur hle ang u.