Vawiin khan ram pum huapa State hrang hrang PHE Minister te chu Delhi-ah meeting an nei a.He meeting ah hian PHE Minister Pu S.Hiato pawh telin Mizoram PHE Department hmalakna leh harsatna hrang hrang te a thlen.

Meeting ah hian Pu S.Hiato chuan Mizoram in kumtin ruah tui thahnem tak a dawn thin thu leh ruahtui hi a dah khawlna tha a awm loh avanga a luang ral mai mai thin thu leh, ruah tui hi a dah khawlna tha taka siam anih chuan Mizoram a tui harsatna nasa taka a kiam theih thu a sawi. Pu Hiato hian sorkar laipui chu ruahtui dahkhawl na siamna tur sum ruahman sak turin a ngen.

Pu S. Hiato chuan Mizoram hi kum 20 chhung ram buai avangin state dang aiin hmasawnna lamah kan tlai tawh a, chuvangin Mizoram dinhmun te hriat sak a, state hmasawnna atan a bik a duhsak turin sorkar laipui a ngen bawk a ni.