Nimin (ni 25 May, 2012)chawhnu dar 3:00 khan Pu S.Laldingliana, Parliamentary chuan Power & Electricity department complex Lunglei a 33KV Sub-Station leh 33KV Line a hawng.

Hawnna thusawiin Pu S. Laldingliana chuan P&E Engineer te leh thawktute thawhrimna a zarah Lunglei ah ngei 33KV Sub-Station leh 33KV Line kan nei thei hi chhimlam in hmasawnna rahbi thar kan chuangkai hi a lawmawm hle a ni ati. Tunhma a Diesel Engine bunna ah 33KV. Sub-Station bun anih leh Line hawn theih a a awm hi lawmawm a ti a.Kan hnung kalta hun reilo te a Line a chhiat chang a Engineer leh thawktute a sur a sa hnuai ah ramhnuai ah a chhelai zawng in an siam that thin avangin leh an thawh rimna te chu fakawm a tiin ram tan nasa takin hna an thawk a ni a ti bawk.Tun dinhmun ah Mizoram chu Power ah kan in daihlo hle a sawrkar in chak takin hma la in Tuirial Hydel Project pawh NEEPCO ten an thawk mek a kum 2014 ah chuan hawn hman ngei a beisei thu a sawi bawk a ni. Pu Dinga chuan Chhimtuipui leh Tuivai te pawh hna thawh mek a ni a, Chief Minister zahawm takin Kum 6/7 ah chuan power ah kan intodel ang a hralhchhuah tham pawh a awm dawn a ni a ti.

Er. Lalchharliana SE Lunglei in Technical report a pe a, he Sub-Station hi One Time Additional Central Assistance atanga sum hmuh ani a, senso zawng zawng hi 622.47 lakhs. niin, a hmun zau zawng hi 124.43sq.mtrs. a ni bawk. He Sub-Station hi kum 2 chhung a thawh zawh a ni a, Khawiva atanga Lunglei 11KV. chawm thin kha 33KV. double circuit line a siam a ni a, a thui zawng hi 7kms. a ni.

Inkhawm hi Er.Lalnunmawia, Chief Engineer (SO) in kaihruaiin ER.Lalzorama, EE, PMD-I in lawmthu a sawi bawk a ni.