3744/2024-2025

Dated Hnahthial, the 10th January, 2025: Ramchhung nungchate humhalhna thupek chu a hnuai ami ang hian Hnahthial Bawrhsap, Pi Rita Lalnunmawii Pachuau chuan a chhuah.

ORDER

( Under Section 163 of Bhartiya Nagarik Suraksha Sanhita, 2023 )

Mizoram hmun hrang hrangah kan ramchhung nungchate tih rem mek zel a ni a. A bik takin favang leh thlasik lai hian Mizote hian ramvah, sapel leh sava veh hunah kan nei thin a. Kan ram chhunga nungchate chereu zel tur ven hi a tul em avangin Airgun, Air rifle, Silai, sairawkherh  leh hmanraw dang hmanga Sava leh ramsa dang veh/kah hi khap a tul hle a ni.

Chuvangin, kei RITA LALNUNMAWII PACHUAU, MCS, District Magistrate, Hnahthial District hian Section 163 of Bhartiya Nagarik Suraksha Sanhita, 2023- in a thuneihna min pek angin thupek ka chhuah e: 

"Hnahthial District huam chhungah Airgun, Air rifle, Silai, Sairawkherh leh hmanraw dang hmanga Sava leh ramsa dang veh/kah/awh hi khap tlat a ni."

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang.

He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.

He thupek hi Court Seal nemin vawiin, 8th January, 2025 hian hming ka ziah hnan e.