Vawiin hian Thenzawl Police Training School Parade Ground ah 67^th Passing Out Parade of Recruit Constable leh 48^th Mizoram Police Raising Day, 2019 chu ropui leh urhsun taka hman a ni a. Home Minister Pu. Lalchamliana chu khuallian niin Minister chuan “Ramin a mamawh ber chu remna leh muanna boruak hnuaia hmasawnna hnathawh ani” a ti a. Chu remna leh muanna vawn hna thawktute chu an nih avangin harsatna karah pawh phunnawi lova thawk turin kan Police te kan beisei tlat ani, ati.

Pu Lalchamliana chuan, Union Territory kan nih tirh hunah khan Assam Police tlemazawngte nen bul kan tan a. Vawiinah chuan nasa taka lo thang lianin Police Strength pawh sing chuang, Police Station pawh 40 lai zet neiin kan lo awm ta. Tin, India ram huapa lawmman sang dawng thei Police fel tak tak tam tak kan awm tawh bawk a, Mizoram hian Police chhuanawm tak kan nei a ni, a ti a. Chutihlaiin hmelma kuta boral hi mi 56 kan awm tawh bawk a, vawiinah hian chung kan police hmelma kuta boral ta te zawng zawng pawh kan hrereng a ni, a ti. Minister chuan police te chu ram rawngbawltu, mipui tana thawk an ni a, mipui ta an ni bawk a, dinhmun pawimawh tak chelhtute an ni a, kan hnate rinawm taka kan thawh tlat chuan dinhmun zahawm taka kan ding thei dawn a ni, a ti a. Sipai nih chuan huaisen a pawimawh hle tih sawiin inkahnaah vawi sawm chuang a lo tel ve tawh thu sawiin a huai te hi an thi hma chuang lova, dawih vanga thi hma ta te hi an awmfo zawk nia a hriat hial thusawiin Police pass chhuak thar te a fuih ani. Tin, taksa leh rilru hrisel a pawimawh ziate, a tul a nih chuan doctor rawn hreh lo tur te, zu leh ruihhlo dang laka fihlim tur tein a chah a. Ramin a mamawh em em chu remna hnuaia hmasawnna hi ani a, chumi nei tur chuan a hrehawmah pawh phun lova thawk tlat turin Police te ka chah che u ani, tiin a chah a ni. Mizoram Police ah hmeichhia 7 % chauh an nih avangin All India Norms kan la phalo hle a, post ruak kan ngah hle bawk. Sawrkarin heng hnaruakte hi hnawhkhah dan a zawng chho zel dawn ani, ati a. Lirthei leh hmanraw danga Police harsatnate pawh a hriatpui thu a tarlang bawk. Thenzawl Police Training School chu NE India a Non- Gazetted  Officer Police Training School tha bera sawrkar laipuiin a puan thu sawiin, hetiang ni thei khawpa an enkawlnaah Principal Pu Lalsanglura, MPS leh thawktute chungah lawmthu a sawi a. He School hi subordinate staff te training theihna tura tihlen chhoh zel pawh sawrkarin a tum thu a tarlang nghal bawk ani.

Minister hian Training Proficiency Awards hrang hrang leh Raising Day pual lawmman leh Medal te a dawngtu tura thlante hnenah a hlan nghal a, heng lawmman hrang hrang dawngtute chu a hnuaiah hian tarlan an ni.

He hunah hian Pu Balaji Srivastava, IPS, Director General of Police, Mizoram pawhin thusawiin, 67^th Passing out Parade leh 48^th Raising Day hmang tura lokal mipuite chungah lawmthu a sawi a. Mizoram Police hian a lo piantirh ata Mizoram tan hna a thawk nasa tawh hle a. Vawiinah chuan India rama Crime Conviction Rate nei tha berte zinga mi ah a inhlang kai tawh a. India rama state ralmuang berte zinga mi alo ni ta hial bawk. Thenzawl Police Training Centre pawh nasa taka hmasawn zelin vawiinah chuan India sawrkar laipui pawhin he Centre hi NE Indiaa Police Non - Gazetted officer Training School tha berah a puang ta hial a, a chhuanawm hle ani, a ti. Police training chhuak tharte a lawmpui thute, ram tana sipai chhawr tlak, mi rinawm nih tum tlat turte in a chah a. Tha taka an training theih nana thawktu zawng zawngte chungah lawmthu a sawi ani. Pu Balaji Srivastava, DGP hian Home Minister Pu Lalchamliana hnenah Momento a hlan nghal bawk.

Vawiina Police Training Pass chhuak thar te hi constable recruit te niin mipa 383 leh hmeichhia 23, an vaiin mi 406 an ni a. Police Training School Principal Pu. Lalsanglura, MPS kaihhruaiin India hnam puanzar leh Mizoram Police puanzar hnuaiah rinawmna thu an tiam ani. 

67^th Passing Out Parade leh 48^th Police Raising Day hi Pu Ramthanmawia, MLA, DGP Pu Balaji Srivastava, DIG (Training) Pu Joseph Lalchhuana, IPS te, Pu Lalbiakzama, MPS, Addl Secretary, Home Department bakah Mizoram Police hotu lu ber ber te, Thenzawl khawtlang hruaitute, chanchinbumite leh training chhuak thar lawmpuitu an chhungte leh midang thahnem takin an telpui a. Central YMA Choir ten Police Anthem thiam takin an sa bawk ani.

Police Constable Training laia inelna hrang hranga tithate leh Police Department a peng hrang hranga inelna lawmman dawngtute chu a hnuaia mite hi an ni.

67th Batch RC Basic Training Medal Awardee:

His Excellency the Governor of Mizoram Running Trophy & Gold Medal. Proficiency in All round Best :      Const. H. Lalrinhlua

Hon’ble Chief Minister Running Trophy & Gold Medal.

Proficiency in Drill:  Const. Amos PC. Malsawmzuala

Hon’ble Minister Running Trophy &Gold Medal.

Proficiency in Legal Studies:         Const. Lalhlimthanga.

Chief Secretary Running Trophy & Gold Medal.

Proficiency in Shooting:    Const. Zarzoliana.

DGP (M) Running Trophy & Gold Medal.

Proficiency in General Studies:    Women Const. H. Lalbiakdiki.

Addl. DGP (M) Running Trophy & Gold Medal.

Proficiency in Weapons:   Const. H. Lalrinhlua.

IGP (M) Running Trophy & Gold Medal.

Proficiency in Physical Training:  Const. David Vanlalsipaia.

DIG (Trg) Running Trophy & Gold Medal.

Proficiency in Police Science:       Const. Malsawmkima.

Principal PTS running Trophy & Gold Medal.

Exemplary Conduct:           Women Const. Zonunmawii.

Union Home Minister Medal for excellence in Police Training for the year 2016-2017 Awardee:         Inspr (M) R. Vanlalhlimpuii of PTS Thenzawl.

SUMMARY OF BEST PS/ DISTRICT/ UNIT (Category-I & II)

Best Police Station: 1st position – Thenzawl

                                                            2nd position- Vairengte

                                                            3rd position- Aizawl

Best Police District: 1st position- Lunglei

                                                            2nd position-Kolasib

                                                            3rd position- Champhai

Best Unit Category –I         1st position- Security

                                                            2nd position- Traffic

                                                            3rd position- MPRO

Best Unit Category-II         1st position -  1st IR. Bn.

                                                            2nd position – 2nd IR. Bn.