State Election Commissioner (SEC) Pu C. Ropianga chu nihnih awh (Janaury ni 7 leh ni 8), rampum huap State Election Commissioner te intawhkhawmna (Conference) ‘16th All India Conference of State Election Commissioners’, Park Hotel Kolkata a neih mek ah a tel a. Conference hi West Bengal Larsap Shri M.K.Narayanan-a’n a hawng a ni. Conference ah hian ram puma SEC te bakah Sorkar Laipui hnuaia a kaihhnawih Ministry te Secretary theuh an tel bawk.

He Conference-ah hian State Election Commission Mizoram-in Agenda a thehluh pathum ngaihtuah tura chhawpchhuah a ni a, chung zingah chuan 2nd Administrative Reforms Commission in an 15th Report para 5.7.3 ah an rawtna tihhlawhtlin chungchang leh Ram Danpui-a (Constitution of India) State Election Commission chungchang Part IX & XI A atanga Part XV-a sawn rawtna te Agenda ah hian telh a ni.

State Election Commissioner Mizoram hi Pu P.Lianhrima, Secretary leh Pu H.Lianzela, Deputy Secretary ten an tawiawm.