3763/2024-2025

12th January, 2024 : Nimin ni 11th January, 2025 khan sawrkar laipui hnuaia Women & Child Development Ministry buatsaih, ni 2 chhung awh tur Brainstorming Session - 'Chintan Shivir', Udaipur, Rajasthan-a neihah Women & Child Development Department Minister Pi Lalrinpuii chu a tel a. He hunah hian thusawiin Pi Lalrinpuii chuan Mizoram chhunga Women & Child Development Department hmalakna hrang hrang - Project Thisen hlu te, nutri garden te a tarlan mai bakah tun hnuaia Mizoram sawrkar hmalaknaa 'Widow Cell' hawn thar a nih thu te chu a sawi a ni.

He brainstorming session hi Union Minister for Women & Child Development - Pi Annapurna Devi hova neih niin, Rajasthan Chief Minister, Deputy Chief Minister bakah state hrang hranga WCD Minister leh official-te an tel a. He hunah hian Women & Child Development Department hnuaia scheme hrang hranga hmalakna te inzirtir tharna hun hman a nih mai bakah chak zawka hmalak theih dan tur kawngte sawiho a ni.

He huna Best practices ( Schemes hrang hranga tiṭha zualte) tarlannaah chuan Mizoramin Anganwadi cum Creche a kalpui dante tarlan tel a ni ve a.  Mizo mipuiten tlawmngaia Anganwadi building an sak thin te, nuho in vehbur khawna Anganwadi Centre tihchangtlun nan mamawh hrang hrangte an thawhkhawm ṭhin te hian fak a hlawh hle a. PALNA scheme bika Department hmalakna pawh Central lam hotuten an fak hle bakah hmeichhia te zingah 2-wheeler taxi driver awm thei khawpa women empowerment kal ṭhatpui thu te pawh rawn tarlan a ni. State tiṭha bik te hmalakna entawntlak zinga Mizoram hmalakna hrang hrang tarlan a ni hi a lawmawm takzet a ni.