No.501/2020-2021
Aizawl, the 22nd April 2020: Mizoram Police chuan Ni 18.4.2020 tlailam a Thaidawr leh Zomuantlang khua inkara COVID-19 avanga ramri ven hna thawk mek tu IR Police te misualin kut an thlak chungchanga thil awmzia leh Police hmalakna kal mek chu a hnuaia mi ang hian thuchhuah siamin an tarlang.
Ni 18.4.2020 tlailam khan Mamit District-a Mizoram leh Tripura ramri, Thaidawr leh Zomuantlang khaw inkara Covid-19 avanga border duty 5 IR Battalion mi C/276 C.Lalhruaitluanga leh C/405 R.Zairemmawia te Chakma mi engemawzat in an sawisak rawn thu kalzel ah Mizoram Police chuan hemi chungchang chiang leh zuala chhuichiang turin DGP-in High Level Enquiry DIG(CID) a tih tir nghal a, enquiry report pawh ni 22.04.2020 aia tlai lo ah thehlut tura tih a ni.
He thilthleng kaihhnawih ah hian New Kawnpui Border Outpost-ah hian Armed Police Company khat(1) sipai Assistant Commandant (Dy.SP), hona hnuaiah dah belh tawh an ni. New Kawnpui hi Armed Battalion Outpost a ni chungin Police Station lam mi MRP te pawh a tul ang zelin dah turin tih a ni.
Hemi thila rinhlelh man te hi Sub-Divisional Judicial Magistrate Court, Kanchanpur Tripura-ah an inlan a, amaherawh chu heng mite Mizoram lama lak dilna Transit remand chu Court hian hnawlin mi man te pawh Bail-a chhuah an ni. He court thutlukna judgement) hi atul anga Appellate Court ah appeal nghal tura bawhzui mek a ni. Mizoram Police chuan dan ang zelin a theih ang angin he thil hi chak takin a chhuizui zel dawn a ni.
Hemi case avang hian Mizoram Police chuan hmundanga kan hna pangngai-ramri ven, Quarantine Centre Security duty, Law & Order duty etc. te ti thuanawp chuanglo in chak takin hma ala zel a ni.
