No.477/2020-2021
Aizawl, the 21st April 2020: Mizoram Police chuan Ni 18.4.2020 tlailam a Thaidawr leh Zomuantlang khua inkara COVID-19 avanga ramri ven hna thawk mek tu IR Police te misualin kut an thlak chungchanga thil awmzia leh Police hmalakna kal mek chu a hnuaia mi ang hian thuchhuah siamin an tarlang.
Ni 18.4.2020 tlailam khan Mamit District-a Mizoram leh Tripura ramri, Thaidawr leh Zomuantlang khua inkara Covid19 avanga border venga duty 5lh IR Battalion mi C/276 C. Lalhruaitluanga leh C/405 R.Zairemmawia te chu Chakma mi engemawzat border lehlama cheng ten an sawisak rawn a. Covid-19 avanga border duty sipai pahnih te hi New Kawnpui, Thaidawr road-ah an duty a. Hetah hian Village Level Task force lam atangin tualchhung mi New Kawnpui-I,Tripura mi chakma pathum leh Zomuantlang, Mizoram khawmi Tuikuk pahnih an duty bawk. VLTF members te hian playing card an khel a. Police duty-te pahnih chuan an card khelh laite chu dah turin an hrilh thin a. Hemi vang hian in hnial buai in card khel zinga pakhat chu kal sawnin reilo teah midang engngmaw zat nen an rawn kir leh ta a, police duty pahnihte chu thingfak leh mau tiang ten an khawih rawn ta a ni.
5th IR Battalion mi pahnih hian hliam an tuar a, West Phaileng PHC-ah entir nghal an ni a, a hnu ah Aizawl Civil Hospital ah admit an ni
He thil thleng avang hian ni 19.4.2020 khan Mamit SP, Addl SP. West Phaileng SDPO leh 2nd I/C 5lh IR Battalion te chu New Kawnpui hi an thleng nghal a, hemi bak ah hian Thaidawr leh Zomuantlang ah 5th IR tangin Sipai tirhbelh an ni a, an ni hian ni.20.4.2020 zingdar 5:00AM ah a hmun an thleng tawh a ni.
Tripura police hotute nen in be pawp in, tanpui tura ngen an ni.
He thilthleng avang hian New Kawnpui Post Commander SI(AB) Manu Kumar Chakma chuan West Phaileng PS ah FIR a thehlut a, Case No.6/20 Dt.19.4.2020 us 186/326/353/332/34 IPC ziahluh ani in West Phaileng OC SI Rohmingthanga Jongte in investigation a ti nghal a ni.
Hemi khaihnawih ah hian Tripura Police ten ni 19.4.2020 khan heng mite hi an man:
1. Santilal Chakma 31 yrs S/o Danya Ram Chakma, New Kawnpui-I
2. Bimal Chakma 18 yrs S/o Rasikya Chakma, New Kawnpui-I
3. Mohanlal Chakma 27 yrs S/o Sukalmoni Chakma, New Kawnpui-1
4. Vawiin chhun lama information kan hmuh dan chuan, mi man 3 te zing a mi pakhat Santi Lai Chakma (31) s/o Danya Ram Chakma, Kawnpui -I khua, Tripura a mi hi medical exam tura an hruai laiin chhun dar sawmpakhat khan a tlanbo (escape) a. Tin, mi man te hi Chief Judicial Magistrate, Kanchanpur, Tripura ah an inlan mek a. CJM Mamit hnen atanga Arrest Warrant la in Mamit police ten court atanga anlo chhuah veleh lo man nghal turin an chang mek a ni.
He thilthleng kaihhnawih ah hian New Kawnpui BOP Post Commander SI(AB) Manu Kumar Chakma chu sawnchhuah nghal ni in 2nd IR Battalion Khawzawl ah dah a ni.
Heng an mi mante atang hian pawi khawih na a inhnamhnawih dangte chhuizui mek an ni a, Mizoram Police leh Tripura Police ten chak takin hma an la mek a ni.
