Ramsa humhalhna dan “The Wildlife (Protection) Act, 1972 (53 of 1972) hi a tul dan a zirin Sorkar laipuiin a siam danglam (ammend) zeuh zeuh thin a. December ni 6, 2013 khan hriattirna tichhuakin a hnuaia mi ang hian siam danglam leh a ni.

1. Schedule I hnuaia ramsa ‘Hog deer’ (Axis porcinus) hi entry No.44-na ah dah belh a ni a. Tichuan he ramsa vek hi Schedule III hnuaia entry No.11 (sawmpakhat) a mi chu paih tur a ni. A dinhmun dah san a ni ta tihna a ni.

2. Schedule I Part III hnuaia sava (Vamur chikhat) entry No. 19 hnuaia Swiftlet (Collocalia unicolor and Collocalia fusiphaga) ti a dah duah hi a hnuhnung zawk “‘Collocalia fusiphaga” tih hi paih tur a ni.

3. Schedule III Part II hnuaia entry No.5-na a Sloth Bear (Melursus ursinus) dah hi (Schedule I Part I entry No. 31C ah a awm tawh avangin) paih tur a ni.

4. Schedule IV hnuaia entry No.11 (eleven) na hnuaia item 57-na a dah Quails (Phasinidae, Mizo: Vahmim) tih hian mihring vulh (farm bred variety) Japanese Quails (Cotornix japonica) tih loh chu a huam vek ang.

5. Schedule IV hnuaia entry No. 15 hnuaiah hian entry No. “ 15 A” tih belhin he 15 A zawnah hian Tokay gecko (Gekko gecko : Mizo = Awke/Chawke) tih hi dah belh tur a ni. Hei hian Mizoram kan Awke/Chawke te dinhmun pawh a dah sang ta tihna a ni.