Chief Wildlife Warden, Environment and Forest Dept. chuan Mizoram a ramsa a nung chunga man leh hralh chungchangah a hnuai a mi ang hian thuchhuah a siam.

Tunlai hian Mizoram hmun hrang hrang atangin ramsa a nung chung a man a, Aizawl Sahuana dah tum a rawn keng thin an awm a. Ramsa man awlsam deuh heng zawng note, saphai note, sahuai, sakhi note, sazaw, mu leh sanghar note vulh tura ramhnuai atang a hawn an awm thin tih hriat a ni a. Dan an bawhchhia tih in hre lo a pawisa siam nana hman tuma lo zuar thin an awm tih hriat a ni bawk. Hetia ramsa man, thah mai bakah an chenna (habitat) sawisak leh tihchhiat hi sapel a ngaih a ni a, Wildlife Protection Act, 1972 chuan ‘sapel’ hi a khap tlat a, chuvang chuan dan bawhchhiatna a ni tih Mizo mipui te hre thar leh turin kan in ngen e.