Pachhunga University College te chuan an college din champha 'raising day', August ni 15 denchhenin thisen pek runpui (Blood Donation Camp) chu vawiin (August ni 14) khan an buatsaih a, a vaiin thisen unit 292 pein thisen petute hi mipa 239 leh hmeichhia 53 an ni.

NSS Unit huaihawta thisen pek runpui hi Mizoram University Vice Chancellor, Prof. R. Lalthantluanga chuan a hawng a. PU College hian kumtin thisen pek runpui hi an buatsaih ziah a, kum 2008 khan nikhatah thisen uni 333 pein tumkhata thisen pe tam ber record an siam a, he an record hi kum 2011 khan khumin, thisen unit 425 chu tumkhatah an lo pe tawh bawk a ni. Hriat theih chinah Pachhunga University College hian thisen unit 2500 chuang an lo pe tawh a ni.

Thisen pek runpui-ah hian Aizawl Civil Hospital leh Synod Hospital, Durtlanga Blood Bank hnathawktute chuan College-ah kal chilhin thisen an la a ni.