2514/2022-2023
Aizawl the 2nd November 2022 : Mizoram chuan thlasik hun kan lo thleng leh dawn ta a. Heng hunlai hian Silai license nei leh nei lo pawn Sava leh Ramsa le Air Gun/Air Rifles leh silai, enlenna (scope ma) nen pel-a kap thin an awm tih hriat a ni a.
Ramsa pelh hi Section 9 of The Wildlife (Protection) Act, 1972 chuan a khap tlat a. Pel lui te chu kum 3 atanga kum 7 thleng tan leh pawisa Rs. 25,000/-chawi tir theih an ni.
District Magistrate & Deputy Commissioner, Aizawl District Dr. Lalhriatzuali Ralte, IAA chuan CrPC 1973 Section 144 in thuneihna a pek angin, Aizawl District huam chhungah mi tumah in Sava leh Ramsa te, Air Gun/Air Rifles emaw, silai enlenna vuah (with telescope) hmangin an pel in an kap tur a ni lo tih mipuite a hriattir.
He thupek hian thu leh awm hma chu puan a nih atanga thla hnih (2 months) chhung a huam ang a, thupek zawm lo te chu IPC Section 188 dan hmanga hrem an ni ang.
