2515/2022-2023
Lunglei the 2nd November, 2022 – Vawiin khan Lunglei DC & District Election Officer Pu Kulothungan A chuan Systematic Voters’ Education and Electoral Participation (SVEEP) hmalakna peng pakhat ‘SVEEP Bookmark’ a tlangzarh.

He hunah hian Lunglei Additional DC Pu Donny Lalruatsanga, Election Officer Pi C. Lalduhzuali leh Lunglei District huamchhunga Electoral Registration Officer (ERO) leh Asst. Electoral Registration Officer (AERO) te an tel a ni

SVEEP Bookmark tlangzarhna puala vawiina DC Office Conference Hall-a programme tawi neihah Lunglei DC & DEO Pu Kulothungan A chuan kan hma lawka awm Special Summary Revision ah kum tling tharte leh electoral roll-a hming la chuanglo te an inziahluh vek theihnan District Election Office chuan hma a la mek zel a ni tiin mawhphurhna chelhtu kalkhawmte chu theihtawp chhuah theuh turin a chah a. Booth Level Officers (BLO) te tan naktuk atangin training huaihawt anih dawn bakah zirlai leh thalai te zingah awareness campaign ngawrh taka neih tum niin video clip competition, two wheeler rally, futsal tournament, te buatsaih chhoh tum a ni a ti.

SVEEP hi Election Commission of India hnuaia Flagship Program niin election kaihhnawih thil pawimawhte mipui zirtirna leh vote thlak pawimawh zia inzirtirna kawnga hmalakna a ni a. Lunglei District SVEEP Core Committee hmalaknain ‘SVEEP Bookmark’ chi hrang paruk siam a ni a. Lunglei District chhunga zirna in hrang hranga Electoral Literacy campaign neih chhoh turah heng bookmark te hi zirlaite hnenah sem an ni dawn a ni.