Vawiin khan FOCUS, PMU Office, MINECO-ah FOCUS, Mizoram buatsaihin “Veterinary & Cold-Chain Equipments Distribution Programme” hman a ni a. Pu H.Biakzaua, MLA & Vice Chairman, Agriculture Development Board chuan Khuallian niin he hun hi a hman pui a, Ran enkawlna hmanrua te a sem chhuak nghal a ni.

Hemi puala Programme tawite FOCUS Office, ZIDCO Building, MINECO, Aizawl a neih ah hian Khuallian Pu H.Biakzaua, MLA chuan thu sawiin Central fund nilo Sawrkarin state sum a ruahman te hi tangkai taka hman ni se tha a tih thu a sawi a. Line Department 4 (Agri, Horti, Soil & Vety) te pawnhinProject thil tumn tak hriat chian tuma hma an lak leh an thawhona te pawh a that pawimawh tel thu a sawi bawk a ni. Tuna project kalpui mekna district 4 (Champhai, Serchhip, Kolasib leh Mamit) ni lo District dangah te pawh he Project a luhzel theih nan nasa lehzuala thawk turin project buaipuitute leh mipuite a sawm a. Sa a kan intodelhna tura Ranvulh lam tih hmasawn hi FOCUS Project hmalakna pui berte zing ami a ni a. Hei hian intodelhna siam se ram dang atanga sa leh artui, bawnghnute leh thil dang kan lakluhte tam tham tak te a tih tlem hret hret a beiseiawm a. Hemi huanga kan intodelh chuan kan sum state pawna luangchhuak tam tak kan hum thei dawn a ni a ti a. Hmanraw sem chhuahte pawh tangkai tak leh awmze neia hman a nih a beisei thu a sawi a ni.

He huna hmanraw semchhuahte hi Portable Fridge, Vaccine Carrier, Bag Pack, Gum boot, Pressure Cooker, Uniform (Kawr leh kekawr) leh Ran damlo te enkawlna atana hmanraw tangkai (First Aid kits) te an ni. FOCUS hnuaia thawk Veterinary Field Assistant (VFA) mi 50 leh Communuity Animal Health Worker (CAHW) mi 272 te dawn tura tih a ni.

He hun hi Pu R.K. Nithanga, SPD/CEO chuan a kaihruai a. FOCUS Project chungchang Dr.Lalhmingthanga, Dy.Director(AHVD), FOCUS hnen atangin ngaihthlak a ni a.  Dr Hmarkunga, Director, AHVD leh Pu Rohmingthanga Colney, MD, FOCUS & Director, Agriculture(CH) te pawhin thusawina hun an nei bawk a ni.